جنوبی کشمیر کے قصبہ ترال میں آتشزدگی‘جامع مسجد خاکستر

سرینگر//
جنوبی کشمیر کے ضلع پلوامہ کے قصبہ ترال میں بدھ کی صبح آگ کی ایک واردات میں ایک جامع مسجد کو کافی نقصان پہنچا۔
ذرائع نے بتایا کہ قصبہ ترال میں جامع مسجد نور الاسلام میں بدھ کی صبح آگ نمودار ہوگئی۔انہوں نے کہا کہ آگ لگتے ہی مقامی لوگ، پولیس اور فائر ٹنڈرس جائے واردات پر پہنچ کر آگ بجھانے کی کوششوں میں جٹ گئے ۔انہوں نے کہا کہ آگ کو قابو میں کرکے مزید پھیلنے سے روک دیا گیا۔
ذرائع کا کہنا تھا کہ تاہم آگ سے جامع مسجد کو کافی نقصان پہنچ گیا۔ابتدائی طور پر آگ لگنے کی وجہ شارٹ سرکٹ ہے تاہم اس سلسلے میں تحقیقات کی جار ہی ہے۔
اس ساری صورت حال کی وجہ سے علاقے میں ماتم کی لہر دوڑ گئی جہاں ہر علاقے میں مزکورہ مسجد شریف میں آگ لگنے کی خبر پھیلنے کے ساتھ ہی ماتم کی لہر دوڑ گئی ہے مسجد شریف علاقے کی معروف مرکزی جامع مسجد ہے جہاں کئی دہائیوں سے مرحوم مولانا نور احمد ترالی ہر جمعہ کو تبلیغ فرماتے تھے ان کے بعد یہاں ان کے بردار مولانا قطب الدین تبلیغ فرماتے ہیں۔
مولاناقطب الدین نے بتایا قریب پونے نو بجے چپراسی نے انہیں اطلاع دی کہ مسجد میں آگ ظاہر ہوئی جس کے بعد یہاں چیرمین کو مطلع کیا گیا ہے اور انہوں باقی انتظامیہ اور فائر سروس کو مطلع کیا۔انہوں نے بتایا اگر یہاں فائر سوروس کے بہتر انتظامات ہوتے شائد مسجد بچ جاتی ایسانہیں تھا۔
قطب الدین نے بتایا کہ آگ لگنے کی وجوہات کا فوری طور پتہ نہیں چل سکا۔اس رپورٹ کو فائل کرتے وقت آگ پر قابو پا لیا گیا تھا۔تمام مسلمانوں کو سے انتظامیہ کی جانب سے اپیل کی گئی ہے کہ مسجد شریف کی از سر نو تعمیر کے لئے اپنا تعاون مسجد شریف کو پیش کریں ۔