سرینگر/۹مئی
جموں وکشمیر کی گرمائی راجدھانی سری نگر میں منگل کے روز سیکورٹی فورسز نے کئی مقامات پر راہگیروں اور مسافروں کی تلاشی لی جس دوران لوگوں کے شناختی کارڈ باریک بینی سے چیک کئے گئے ۔
معلوم ہوا ہے کہ پورے شہر میں سیکورٹی کے غیر معمولی انتظامات کئے گئے ہیں جبکہ مشکوک نظر آنے والے افراد پر سی سی ٹی وی کے ذریعے نظر گزر رکھی جارہی ہیں۔
اطلاعات کے مطابق سری نگر میں منگل کے روز سیکورٹی فورسز نے مسافروں، راہگیروں کی باریک بینی سے تلاشی لی اور ان کے شناختی کارڈ چیک کئے ۔
ذرائع نے بتایا کہ مختلف علاقوں میں سی آر پی ایف او رجموں وکشمیر پولیس نے خصوصی ناکہ چیکنگ کے دوران متعدد موٹر سائیکلوں کو ضبط کیا۔
نامہ نگار نے بتایا کہ سری نگر میں مختلف سڑکوں پر چیک پوائنٹس قائم کئے گئے ہیں جہاں جموں وکشمیر پولیس، سینٹرل ریزرو پولیس فورس (سی آر پی ایف )کے اہلکار تعینات کئے گئے ہیں۔
انہوں نے بتایاکہ سری نگر میں کئی مقامات پر عارضی چیک پوائنٹس قائم کئے گئے ہیں جہاں جموں وکشمیر پولیس ، سی آر پی ایف کے اہلکارتعینات کئے گئے ہیں۔انہوں نے کہاکہ چیک پوائنٹس پر نہ صرف گاڑیوں کو روک کر ان کی تلاشی لی جاتی ہے بلکہ مسافروں کے موبائیل فون چیک کرنے کے بعد انہیں آگے جانے کی اجازت دی جارہی ہیں۔
ذرائع نے بتایا کہ سری نگر میں جی ٹونٹی میٹنگ کے پیش نظر جگہ جگہ سیکورٹی فورسز کی اضافی نفری تعینات کی گئی ہے تاکہ سماج دشمن عناصر کے منصوبوں کو ناکام بنایا جاسکے ۔
دریں اثنا شمالی اور جنوبی کشمیر کے اضلاع کو سری نگر سے جوڑنے والی سڑکوں پر بھی سیکورٹی فورسز نے موبائیل چیک پوائنٹس قائم کئے ہیں۔
عمران خان القادر ٹرسٹ کیس میں گرفتار
اسلام آباد/۹ مئی
پاکستان کے سابق وزیر اعظم عمران خان کو منگل کو القادر ٹرسٹ کیس میں گرفتار کر لیا گیا۔
پاکستان تحریک انصاف پارٹی کے چیئرمین عمران خان کو اس مقدمے میں درج کئی ایف آئی آرز کے سلسلے میں گرفتار کیا گیا۔ وہ اس کیس میں ضمانت کے لیے اسلام آباد ہائی کورٹ گئے تھے ۔ انہیں ہائی کورٹ کے باہر سے گرفتار کیا گیا۔
جیو نیوز کے مطابق انہیں رینجرز نے گرفتار کیا اور کالے رنگ کی ویگو گاڑی میں لے گئے ۔
اسلام آباد کے انسپکٹر جنرل آف پولیس ڈاکٹر اکبر ناصر خان نے ان کی گرفتاری کی تصدیق کرتے ہوئے کہا کہ عمران خان کو القادر ٹرسٹ کیس میں گرفتار کیا گیا ہے ۔ انہوں نے کہا کہ حالات کنٹرول میں ہیں۔
