لرگام ترال میں تلاشی آپریشن کے دوران اسلحہ و گولہ بارود برآمد

سرینگر//
جنوبی ضلع پلوامہ کے لرگام ترال علاقے میں سیکورٹی فورسز نے رہائشی مکان کی تلاشی کے دوران ہتھیار و گولہ بارود برآمد کیا۔
ذرائع نے بتایا کہ لرگام ترال میں سیکورٹی فورسز نے مصدقہ اطلاع موصول ہونے کے بعد ملی ٹینٹ مخالف آپریشن شروع کیا۔
ذرائع نے بتایا کہ سیکورٹی فورسز نے بشیر احمد کے گھر کی تلاشی لی جس دوران وہاں سے ایک رائفل، دو میگزین اور ۵۶گولیوں کے راونڈ برآمد کرکے ضبط کئے ۔
ذرائع کا مزید کہنا ہے کہ سیکورٹی فورسز نے بشیر احمد کی گرفتاری عمل میں لا کر اس کے خلاف ایف آئی آر درج کرکے مزید تحقیقات شروع کی۔