سری نگر میں نوجوان نے دریائے جہلم میں چھلانگ لگائی، لاش باز یاب

سرینگر/۴مئی
جموںکشمیر کی گرمائی راجدھانی سرینگر کے پی سی ڈیپو برتھنہ کے نزدیک 25سالہ نوجوان نے مبینہ طورپر دریائے جہلم میں چھلانگ لگائی ۔
پولیس اور ایس ڈی آر ایف کی ٹیموں نے نوجوان کی لاش کو ڈھونڈ نکالنے کی خاطر آپریشن شروع کیا اور ایک گھنٹے کے بعد لاش کو باز یاب کیا گیا۔
اطلاعات کے مطابق جمعرات کی صبح پی سی ڈیپو برتھنہ کے نزدیک اس وقت سنسنی کا ماحول پھیل گیا جب 25سالہ نوجوان جس کی شناخت ساجد احمد ساکن قمر واری کے بطور ہوئی نے دریائے جہلم میں چھلا نگ لگائی ۔
معلوم ہوا ہے کہ علاقے میں خبر پھیلتے ہی اہل خانہ اور لوگ جائے موقع پر پہنچے اور اس بارے میں پولیس کو آگاہ کیا۔
پولیس اور ایس ڈی آر ایف کی ٹیمیں جائے وقوع پر پہنچے اور لاش کو ڈھونڈ نکالنے کی خاطر آپریشن شروع کیا۔
سٹی رپورٹر نے بتایا کہ ایک گھنٹے کی سخت محنت کے بعد ایس ڈی آر ایف اور ریور پولیس نے پانی سے لاش کو باز یاب کرکے والدین کے سپرد کیا۔
اہل خانہ نے نامہ نگاروں سے بات چیت کے دوران بتایا کہ جمعرات بارہ بجے کے قریب انہیں فون آیا کہ ساجد احمد نے دریائے جہلم میں چھلانگ لگائی ۔انہوں نے بتایا کہ تین گھنٹے تک ایس ڈی آر ایف اور دوسری ٹیموں نے ریسکیو آپریشن شروع نہیں کیا ۔ان کے مطابق ساجد احمد کافی عرصہ سے دوائیاں کھا رہا تھا جس وجہ سے وہ ڈپریشن کا شکار ہوا ۔
نوجوان کی والدہ نے روتے ہوئے بتایا کہ میرا بیٹا ہر جمعرات چرار شریف میں علمدار کشمیر شیخ نور الدین نورانیؒکی زیارت پر جاتا تھا۔انہوں نے بتایا کہ جمعرات کی صبح جب وہ گھر سے نکلا تو مجھے لگا کہ وہ چرار شریف گیا ہے لیکن بعد میں پتہ چلا کہ اس نے دریائے جہلم میں چھلانگ لگائی ہے ۔