سرینگر//
سٹیٹ روڈ ٹرانسپورٹ کارپوریشن (ایس آر ٹی سی) کے ریٹائرڈ ملازموں نے پیر کے روز یہاں پریس کالونی میں جمع ہو کر اپنے مطالبات کے حق میں احتجاج درج کیا۔
احتجاجی نعرہ بازی کر رہے تھے اور اپنے بقایاجات کی واگذاری کا مطالبہ کر رہے تھے ۔
اس موقع پر ایک احتجاجی ملازم نے میڈیا کے ساتھ بات کرتے ہوئے بتایا کہ ہم گذشتہ ساڑھے تین برسوں سے اس لئے احتجاج کر رہے ہیں کیونکہ ہمارے بقایاجات ایس آر ٹی سی کے پاس پڑے ہوئے ہیں۔
ملازم نے کہا کہ ہم متعلقہ حکام کے ساتھ کئی بار اس بارے میں ملے اور انہوں نے عید کے موقع پر کچھ نہ کچھ واگذار کرنے کا وعدہ بھی کیا لیکن ایک پیسہ بھی واگذار نہیں کیا گیا ہے ۔
ان کا کہنا تھا’’۱۹۹۹سے ہمارے بقایاجات ان کے پس پڑے ہوئے ہیں جس کی وجہ سے ہم بہت پریشان ہیں‘‘۔احتجاجی نے کہا کہ ہم کشمیر صوبے میں۱۷۸۲ملازمین ہیں جن کا پیسہ ایس آر ٹی سی کے پاس پڑا ہوا ہے ۔انہوں نے متعلقہ حکام سے اپیل کہ وہ ان کا پیسہ واگذار کرے تاکہ انہیں مشکلات کا سامنا نہ کرنا پڑے ۔
۔۔۔۔۔۔۔۔۔۔۔