نئی دہلی// یوراج سنگھ کی ناقابل شکست سنچری کی مدد سے آتمارام سناتن دھرم (اے آر ایس ڈی) کالج نے ہندو کالج کو 32 رنز سے شکست دے کر پہلے سوامی دیانند سرسوتی ڈے نائٹ ٹی 20 ٹورنامنٹ کے فائنل میں داخلہ حاصل کر لیا۔
پی جی ڈی اے وی کالج گراؤنڈ میں کھیلے گئے سیمی فائنل میچ میں اے آر ایس ڈی نے 20 اوورز میں چار وکٹوں پر 180 رنز بنائے۔ جواب میں ہندو کالج 20 اوورز میں سات وکٹوں پر 148 رنز ہی بنا سکا۔ یوراج سنگھ نے فائنل تک اے آر ایس ڈی کی راہ ہموار کرتے ہوئے 68 گیندوں پر 11 چوکوں اور 10 چھکوں کی مدد سے ناقابل شکست 129 رنزکی اننگ کھیلی۔
پی جی ڈی اے وی کالج مینجمنٹ کمیٹی کے خزانچی شیو رمن گوڑ اور کالج کی پرنسپل پروفیسر کرشنا شرما نے یوراج سنگھ کو مین آف دی میچ کا ایوارڈ دیا۔
فائنل میں اے آر ایس ڈی کا مقابلہ میزبان پی جی ڈی اے وی سے ہوگا۔