نئی دہلی// اڈانی معاملے پر مشترکہ پارلیمانی کمیٹی کی تشکیل کے مطالبے پر اپوزیشن کے ہنگامے کی وجہ سے لوک سبھا کی کارروائی دن بھر کے لیے ملتوی کر دی گئی۔
جیسے ہی پریزائیڈنگ آفیسر رما دیوی نے التوا کے بعد چار بجے ایوان کی کارروائی شروع کی تو اپوزیشن کے ارکان نے ہاتھوں میں پلے کارڈ لے کر کرسی کے سامنے نعرے بازی شروع کردی۔ اپوزیشن ارکان نے جے پی سی کا مطالبہ کرتے ہوئے نعرے لگائے ۔
پریزائیڈنگ آفیسر نے ہنگامہ آرائی کے درمیان ضروری کاغذات میز پر رکھے اور ایوان کی کارروائی دن بھر کے لیے ملتوی کر دی۔
اس سے پہلے جیسے ہی لوک سبھا اسپیکر اوم برلا نے ایوان کی کارروائی شروع کی، اپوزیشن ارکان ہنگامہ کرتے ہوئے نشستگاہ کی طرف بڑھ گئے ۔ سپیکر نے کہا کہ وہ ایوان کو باوقار طریقے سے چلانا چاہتے ہیں اور فوری طور پر ایوان کو چار بجے تک ملتوی کر دیا۔
اپوزیشن ارکان کالے کپڑے پہن کر ایوان میں آئے ۔ اس دوران اپوزیشن ارکان کی جانب سے کچھ کاغذات آسن کی طرف پھینکے گئے ۔