سنبھل:کولڈ اسٹور کا مالک گرفتار

مرادآباد/سنبھل//) اترپردیش کے ضلع سنبھل میں کولڈ اسٹور حادثے میں پولیس نے ہفتہ کی رات کولڈ اسٹور مالک روہت اگروال اور انکراگروال کو گرفتار کیا ہے ۔
ڈویژنل کمشنر آنجنئے کمار سنگھ نے ہفتہ کو بتایا کہ کولڈ اسٹوریج کے مالکان انکور اگروال اور روہت اگروال کو جمعہ کی دیر شام اتراکھنڈ کے ہلدوانی سے گرفتار کیا گیا۔ جائے حادثہ پر راحت اور بچاؤ کا کام روک دیا گیا ہے ۔ اس کے بعد ملبے کو ہٹانے کا کام جاری ہے ۔ اس حادثے میں 14 لوگوں کی موت ہو گئی ہے جبکہ دس لوگوں کو بچا لیا گیا ہے جن میں سے چار لوگ زیر علاج ہیں۔
ڈپٹی انسپکٹر جنرل آف پولیس شلبھ ماتھر نے کہا کہ کولڈ اسٹور کے مالکان انکور اگروال اور روہت اگروال کو پولیس نے کل ہلدوانی، اتراکھنڈ سے گرفتار کیا ہے ۔مالکان کے خلاف چندوسی تھانے میں غیر ارداۃ قتل کی دفعات کے تحت مقدمہ درج کیا گیا تھا۔ انہیں گرفتار کے کر کے آگے کی کاروائی کی جارہی ہے اور پوسٹ مارٹم کے بعد 14لاشوں کی آخری رسوم کی ادائیگی کی جارہی ہے ۔
پولیس سپرنٹنڈنٹ چکریش مشرا نے بتایا کہ جمعرات کو چندوسی پولیس اسٹیشن کے تحت اورچھی اسکوائر سے اسلام نگر جانے والے راستے پر واقع اے آر کولڈ اسٹور میں آلو ذخیرہ کرنے کے دوران چیمبر کی چھت گر گئی تھی۔ چیمبر کے ملبے کے نیچے دب جانے کی وجہ سے وہاں کام کررہے چودہ افراد روہتاس، راکیش، اشتیاق، پریم، بھورے ، ستیش، ششوپال، سورج پال، راجکمار، پرمود، سورج پال، رامویر، سومپال اور دلشاد کی موت ہوئگی تھی اور دس افرادبشمول رام موہن، روپ سنگھ، مہیش، راجندر، پریم، ارون، سندو، منوج کمار، پریم سنگھ اور نروتم زخمی ہوئے ۔
حادثے کی رپورٹ تھانہ چندوسی کے تحت گاوں ایتول کے رہائشی بھورے نے کولڈ اسٹور کے مالک قصبہ و تھانہ چندوسی کے محلہ سند باشندہ ارون کمار کے بیٹے انکر اگروال اور راجیش کے بیٹے روہت اگروال کے خلاف مقدمہ درج کرایا تھا۔ پولیس نے ہفتہ کو انکور اگروال اور روہت اگروال کو گرفتار کرلیا ہے ۔