وادی میں جنگجوئیت نہ ہونے کے برابر ہے‘ترقیاتی سرگرمیوں سے اس کا فائدہ اٹھا جائے:آزاد

سرینگر///
ڈیموکریٹک پروگریسو آزاد پارٹی (ڈی پی اے پی) کے سربراہ غلام نبی آزاد نے جمعرات کو کہا کہ جموں کشمیر میں پچھلے کچھ سالوں میں عسکریت پسندی میں کمی آئی ہے اور وقت آگیا ہے کہ مرکز کے زیر انتظام علاقے کو ترقیاتی سرگرمیوں میں مدد فراہم کرے۔
آزاد نے جنوبی کشمیر کے اس ضلع میں ایک عوامی ریلی کے بعد نامہ نگاروں کو بتایا’’غربت ہے، بے روزگاری، لیکن یہ بھی حقیقت ہے کہ عسکریت پسندی میں بہت فرق ہے…اکا دکا واقعات ہوتے ہیں، لیکن وہ ملک میں بھی ہوتے ہیں۔ عسکریت پسندی میں کمی آئی ہے‘‘ ۔
ڈی پی اے پی کے سربراہ نے کہا کہ مرکزی حکومت کو وادی میں عسکریت پسندی میں کمی کا فائدہ اٹھانا چاہئے۔ان کاکنا تھا’’وقت آ گیا ہے کہ مرکز ریاست کی ترقی، منصوبوں، سڑکوں، صنعتوں کے قیام کے سلسلے میں بہت مدد کرے۔ مرکزی حکومت کو کم یا نہ ہونے کے برابر عسکریت پسندی کا فائدہ اٹھانا چاہئے۔ اگر وہ کچھ نہیں کرتے ہیں تو پھر عسکریت پسندی کو ختم کرنے کا کوئی فائدہ نہیں ہے‘‘۔
یہ پوچھے جانے پر کہ وزیر اعظم نریندر مودی کو امن کا نوبل انعام دینے کی بات ہوئی ہے، آزاد نے کہا کہ اس طرح کے ایوارڈ دینے والے ہی جانتے ہیں۔انہوں نے مزید کہا’’نہ تو آپ کو اور نہ ہی مجھے اس سے نوازنا ہے۔‘‘