بارڈر گواسکر ٹرافی کے آخری میچ میں 186 رنز کی شاندار پرفارمنس دینے کے بعد بھارتی کرکٹ ٹیم کے سابق کپتان ویرات کوہلی نے ناروے کے ڈانس گروپ کوئیک اسٹائل کی تال سے تال ملا لی۔
فوٹو اینڈ ویڈیو شیئرنگ پلیٹ فارم انسٹاگرام پر ناروے کے ڈانس گروپ کوئیک اسٹائل نے ویرات کوہلی کے ہمراہ ڈانس کی ویڈیو شیئر کی۔
ویدیو میں دیکھا جاسکتا ہے کہ کوئیک اسٹائل ڈانس گروپ کا ایک ممبر کرکٹ بیٹ اٹھاتا ہے، یوں محسوس ہوتا ہے کہ اسے معلوم نہیں ہے کہ اسے بیٹ کے ساتھ کیا کرنا ہے۔ پھر ویرات کوہلی کی اینٹری ہوتی ہے اور وہ بتاتے ہیں کہ اس بیٹ سے کیسے پرفارم کیا جاسکتا ہے اتنے میں بیگ گراونڈ میں گانا بجتا ہے اور ویرات کوہلی گانے کی دھن پر کوئیک اسٹائل ڈانس گروپ کے ہمراہ ڈانس کرتے ہیں۔
ویڈیو کے کیپشن میں لکھا گیا کہ ’جب ویرات اور کوئیک اسٹائل ملتے ہیں‘۔
گزشتہ روز شئر ہونے والی اس ویڈیو پر ویرات کوہلی کی اہلیہ اور اداکارہ انوشکا شرما نے کمینٹ کرتے ہوئے آگ والے ایموجی بنائے جبکہ دیگر صارفین نے ان کے ڈانس موو کی تعریف کرتے ہوئے کہہ رہے ہیں کہ ویرات کوہلی کوئیک اسٹائل کو ڈانس سیکھا رہے ہیں اور کوئیک اسٹائل ویرات کوہلی کو کرکٹ کھیلنا سیکھا رہے ہیں۔