ریاسی:تیز رفتار ڈمپر نے راہگیر کو کچل ڈالا

جموں//
جموں کے ضلع ریاسی کے گران مورہ میں تیز رفتار ڈمپر نے راہگیر کو کچل ڈالا ۔
اطلاعات کے مطابق ضلع ریاسی کے گران مورہ علاقے میں اُس وقت سنسنی کا ماحول پھیل گیا جب تیز رفتار ڈمپر نے راہگیر کو زور دار ٹکر ماری جس کے نتیجے میں وہ شدید طورپر زخمی ہوا۔
معلوم ہوا ہے کہ آس پاس موجود لوگوں نے زخمی شخص کو ہسپتال پہنچایا تاہم وہاں پر تعینات ڈاکٹروں نے اسے مردہ قرار دیا۔
پولیس ذرائع نے بتایا کہ لاش کی شناخت کیلئے کارروائی شروع کی گئی ہے ۔
دریں اثناجموں کے راجیو نگر علاقے میں جمعے کے روز ایک شخص کی لاش برآمد ہوئی ہے ۔
اطلاعات کے مطابق راجوری نگر باہو جموں میں جمعے کی صبح چند مقامی افراد نے ایک لاش دیکھی اور اس بارے میں پولیس کو مطلع کیا۔
پولیس ٹیم فوری طورپر جائے موقع پر پہنچی اور لاش کو تحویل میں لے کر اُس کی شناخت کے لئے کارروائی شروع کی۔
دریں اثنا پولیس نے معاملے کی نسبت کیس درج کرکے مزید تحقیقات شروع کی۔