پٹرول اور ڈیزل کی قیمتیں مسلسل پانچویں دن مستحکم

نئی دہلی// ملک میں تیل مارکیٹنگ کمپنیوں کے پیر کو بھی پٹرول اور ڈیزل کی قیمتوں میں اضافہ نہ سے ایندھن کی قیمتیں لگاتار پانچویں دن مستحکم رہیں انڈین آئل کارپوریشن کے پرائس نوٹیفکیشن کے مطابق دہلی میں پٹرول 105.41 روپے فی لیٹر اور ڈیزل 96.67 روپے فی لیٹر فروخت ہو رہا ہے۔
وہیں ممبئی میں پٹرول کی قیمت 120.51 روپے فی لیٹر اور ڈیزل کی قیمت 104.77 روپے فی لیٹر پر مستحکم ہے بین الاقوامی بازار میں ایک وقت عروج پر پہنچیں خام تیل کی قیمتوں میں معمولی کمی ہوئی ہے ۔ لندن برینٹ کروڈ آج 2.21 فیصد کم ہوکر 100.51 امریکی ڈالر فی بیرل پر اور امریکی کروڈ آج 2.37 فیصد کم ہوکر 95.93 ڈالر فی بیرل پر ٹریڈ کر رہا ہے۔
ملک میں پٹرول اور ڈیزل کی قیمتیں 137 دنوں کے استحکام کے بعد 22 مارچ 2022 سے بڑھنا شروع ہو گئی ہیں۔ گزشتہ 20 دنوں میں کمپنیوں نے پٹرول اور ڈیزل کی قیمتوں میں 14 بار اضافہ کیا ہے۔ تب سے اب تک ان کی قیمتوں میں تقریباً 10 روپے فی لیٹر اضافہ ہوا ہے۔
واضح رہے کہ پیر کو لگاتار پانچواں دن ہے جب قیمتوں میں کوئی تبدیلی نہیں کی گئی ہے۔ اس سے قبل یکم اپریل کو قیمتوں میں کوئی تبدیلی نہیں کی گئی تھی۔