سرینگر//
جموں و کشمیر حکومت نے یکم مارچ ۲۰۲۳سے سرینگر میں اسکولوں کے اوقات میں تبدیلی کا حکم دیا ہے۔
یہ فیصلہ دو ماہ سے زائد موسم سرما کی تعطیلات کے بعد پورے کشمیر میں اسکولوں کے دوبارہ کھلنے سے ایک دن پہلے آیا ہے۔
ڈائریکٹر اسکول ایجوکیشن کشمیر (ڈی ایس ای کے) کو بھیجے گئے سرکاری مکتوب کے مطابق، انتظامی محکمہ نے سری نگر شہر میں اسکولوں کا وقت صبح ۹ بجے سے دوپہر۲ بجے تک مقرر کیا ہے۔
ایس ای ڈی کے انڈر سیکریٹری محمد اقبال میر کے دستخط شدہ ایک سرکاری مواصلت میں لکھا ہے’’مجھے یکم مارچ ۲۰۲۳ سے صبح۹ بجے سے دوپہر ۲بجے تک سری نگر شہر میں اسکولوں کے اوقات میں تبدیلی کیلئے محکمہ کی منظوری سے آگاہ کرنے کی ہدایت کی گئی ہے‘‘ ۔
جیسا کہ پہلے ہی بتایا گیا ہے کہ ٹریفک پولیس ڈیپارٹمنٹ سری نگر نے محکمہ سکول ایجوکیشن (ایس ای ڈی) کو شہر کی حدود میں آنے والے سکولوں کے اوقات کو تبدیل کرنے کی سفارش کی تھی تاکہ ٹریفک کی بھیڑ کو کم کیا جا سکے۔
شہر کے اطراف میں ہر جگہ تعمیراتی کام جاری ہونے کی وجہ سے سڑکوں کی خراب حالت کے پیش نظر یہ تجویز بھیجی گئی تھی۔