سرینگر، جموں قومی شاہراہ پر ٹریفک بحال

سرینگر//
وادی کشمیر کو ملک کے باقی حصوں کے ساتھ جوڑنی والی سرینگر، جموں قومی شاہراہ ہفتے کی صبح ایک دن بعد ٹریفک کی نقل و حمل کیلئے کھول دی گئی۔
ٹریفک حکام نے بتایا کہ قومی شاہراہ پر دنوں طرف ٹریفک کی نقل و حمل جاری ہے ۔انہوں نے کہا تاہم مہر ، شال گری پر رک رک کر چٹانیں کھسک آنے سے ٹریفک کی نقل و حمل سست ہے ۔
بتادیں کہ قومی شاہراہ پر جمعے کے روز ٹریفک کی نقل و حمل مرمتی کام کی وجہ سے بند تھی۔
ٹریفک پولیس نے اس ضمن میں پہلے ہی ایک بیان جاری کیا تھا جس کے مطابق قومی شاہراہ مرمتی کام کے پیش نظر ۳؍اور۱۰مارچ کو بھی ٹریفک کیلئے بند رہے گی۔
اہلیان وادی کیلئے شہہ رگ کی حیثیت رکھنے والی یہ قومی شاہراہ موسم سرما کے دوران چٹانیں کھسک آنے یا مٹی تودے گرآنے کی وجہ سے اکثر و بیشتر بند رہتی ہے ۔
اس شاہراہ کے بند رہنے سے لوگوں کو گونا گوں مشکلات سے دوچار ہونا پڑتا ہے ۔
لوگوں کا کہنا ہے کہ شاہراہ کے بند ہوتے ہی وادی کے بازاروں میں اشیائے ضروریہ خاص طور پر اشیائے خورد ونوش کی قلت پیدا ہوجاتی ہے اور گراں بازاری بھی آسمان چھونے لگتی ہے ہے ۔انہوں نے کہا کہ علاوہ ازیں ہوائی کرایہ میں بھی اچانک اضافہ درج ہوتا ہے ۔