رام بن :اراضی کا بڑا حصہ کھسکنے کے باعث تیرہ مکانوں کو نقصان:حکام

جموں//
جموںکشمیر کے رام بن ضلع میں اراضی دھنس جانے کے باعث تیرہ مکانوں کو نقصان پہنچا ہے ۔
معلوم ہوا ہے کہ انتظامیہ نے متاثرین کو محفوظ جگہ منتقل کیا۔
اطلاعات کے مطابق رام بن ضلع میں اراضی کھسکنے کے باعث متعدد مکانوں کو نقصان پہنچا ہے ۔
ذرائع نے بتایا کہ ابتک تیرہ مکانوں کو نقصان پہنچا جن میں سے چھ پوری طرح سے زمین بوس ہوئے ہیں۔
مقامی لوگوں نے بتایا کہ اُن کا سب کچھ برباد ہو چکا ہے ۔
سرکاری ذرائع نے بتایا کہ رام بن کے ڈکسار دال علاقے میں ابتک تیرہ مکانوں کو نقصان پہنچا ہے ۔انہوں نے کہاکہ پچھلے تین دنوں سے علاقے میں اراضی کا ایک بڑا حصہ کھسک رہا ہے جس وجہ سے متعدد مکان اس کی زد میں آ چکے ہیں۔
ذرائع نے مزید بتایا کہ گاوں کی اور جانے والی شاہراہ کو بھی نقصان پہنچنے کے بعد روڈ ناقابل آمدورفت بن گیا ہے ۔
سرکاری ذرائع کا مزید کہنا ہے کہ جیولوجیکل سروے آف انڈیا کو اس بارے میں آگاہی فراہم کی گئی اور بہت جلد ماہرین کی ٹیمیں علاقے کا دورہ کرئے گی۔
دریں اثنا ضلع ترقیاتی کمشنر رام بن نے ٹیوٹ کے ذریعے جانکاری دیتے ہوئے بتایاکہ متاثرین کو شامیانے اور دوسری ضروریات زندگی کی اشیائفراہم کی گئی ۔
بتادیں پچھلے کئی ہفتوں سے جموں وکشمیر کے بالائی علاقوں جن میں رام بن ، ڈوڈہ اور اب سونہ مرگ شامل ہیں میں اراضی کھسکنے کے باعث متعدد مکانوں کو نقصان پہنچا ہے ۔
دریں اثنا وسطی کشمیر کے ضلع گاندربل کے سونہ مرگ علاقے میں بھاری بھر کم مٹی کا تودا گر آنے سے کم سے کم۹رہائشی مکانوں او ایک گاؤ خانے کو نقصان پہنچا تاہم کسی جانی نقصان کی کوئی اطلاع نہیں ہے ۔
سرکاری ذرائع نے بتایا کہ سونہ مرگ کے ریزن علاقے میں موسلا دھار بارشوں سے گذشتہ شام مٹی کا ایک بھاری بھرکم تودا گر آیا جس سے کم سے کم نو مکانوں اور ایک گاؤ خانے کو نقصان پہنچا۔
ذرائع نے کہا کہ جن کے مکانوں کو نقصان پہنچا ہے ان میں محمد اقبال رینہ ولد عبدالرحمان رینہ، محمد یوسف رینہ ولد عبدالاحد رینہ، شبیر احمد رینہ ولد غلام محمد رینہ، محمد جمال رینہ ولد غلام محمد رینہ، محمد یوسف رینہ ولد غلام محمد، محمد کمال رینہ ولد غلام محمد، ظہور احمد ولد عبدالرحمان، عبدالسلام ولد غلام محمد اور محمد اسلم ساکنان ریزن گنڈ شامل ہیں۔
مذکورہ ذرائع نے بتایا کہ تاہم اس واردات میں کوئی جانی نقصان نہیں ہوا ہے ۔انہوں نے کہا کہ مویشیوں کو بھی بحافظت دوسری جگہ منتقل کیا گیا ہے ۔
ادھر مٹی کا تودا گر آنے سے سرینگر، سونہ مرگ شاہراہ بند ہوئی ہے ۔