جموں/19فروری
جموں کے ڈوڈہ ضلع کے ٹھاٹھری علاقے میں 20رہائشی مکانوں میں دارڑیں پڑنے اورمکینوں کو محفوظ جگہ منتقل کرنے کے بعد اتوار کے روز نیشنل ڈزاسٹر مینجمنٹ (این ڈی ایم اے ) کی ٹیم نے علاقے کا دورہ کیا اور وہاں صورتحال کا جائزہ لیا۔
اطلاعات کے مطابق نیشنل ڈزاسٹر مینجمنٹ (این ڈی ایم اے )کی ایک اعلیٰ سطحی ٹیم نے نئی بستی ٹھاٹھری ڈوڈہ کا دورہ کیا اور وہاں پر پہاڑی دھنس جانے کے باعث رہائشی مکانوں کو ہوئے نقصان کا جائزہ لیا۔
معلوم ہوا ہے کہ ٹیم نے رہائشی مکانوں کو ہوئے نقصان کا بھی جائزہ لیا اور وہاں سے کچھ سیمپل بھی لئے ۔
بتادیں کہ یکم فروری کو ٹھاٹھری ڈوڈہ میں پہاڑی کا ایک حصہ دھنس جانے سے 20رہائشی مکانوں میں دراڑیں پڑ گئیں جس کے بعد مکینوں کو محفوظ جگہ منتقل کیا گیا۔
زالوجی اینڈ مائننگ اورانجینئروں کی ایک ٹیم نے علاقے کا معائنہ کیا جس دوران پتہ چلا ہے کہ پہاڑی دھنس رہی ہے ۔