راجوری میں سڑک حادثہ دو مسافر از جان‘۱۹زخمی

جموں//
جموں وکشمیر کے ضلع راجوری کے تری یاتھ علاقے میں ہفتے کو ایک سڑک حادثے میں دو مسافرہلاک جبکہ ۱۹دیگر زخمی ہوگئے ۔
سرکاری ذرائع نے بتایا کہ راجوری کے تری یاتھ علاقے میں ہفتے کو اگری گاؤں سے شیو کھوری مندر واقع ضلع ریاسی کی طرف جار ہی ایک گاڑی جس میں عقیدت مند سوار تھے ، سڑک سے لڑھک کر ایک گہری کھائی میں جا گری۔
ذرائع نے کہا کہ اس حادثے کے نتیجے میں دو مسافروں کی بر سر موقع ہی موت واقع ہوئی جبکہ ۱۹دیگر زخمی ہوگئے ۔
زخمیوں کو علاج و معالجے کیلئے نزدیکی ہسپتال پہنچایا گیا۔