نئی دہلی// سود کی شرح میں جاری اضافے کے با وجودملک میں مسافر گاڑیوں کی فروخت میں تیزی قائم ہے اور اس سال جنوری میں ملک میں 2.98لاکھ مسافر گاڑیوں کی فروخت ہوئی جو گزشتہ سال اسی ماہ میں فروخت کئے گاڑیوں کے مقابلے میں 17.23فیصد زیادہ ہے جب کہ دیہی علاقوں کے مقابلے میں سست مطالبے کی وجہ سے دو پہیہ گاڑیوں کی فروخت میں سستیقائم ہے ۔
گاڑی بنانے والی کمپنی کے اعلی تنظیم سو سائٹی آف انڈین آٹو موبائل مینوفیکچرس(ایس آئی اے ایم) کے ذریعے جاری اعداد کے مطابق مسافرگاڑیوں میں یوٹلی لیٹی گاڑیوں کا مطالبے میں زبر دست تیزی قائم ہے ۔ جنوری 2022میں 2.54لاکھ مسافر گاڑیوں کی فروخت ہوئی تھی۔جنوری میں کل ملاکر 149328یوٹی لیٹی گاڑیوں کی فروخت ہوئی ہے جو گزشتہ سال جنوری میں فروخت کئے گئے 116962گاڑیوں کے مقابلے کے مقابلے میں 28فیصد زیادہ ہے ۔
ایس آئی اے ایم کے مطابق جنوری 2023میں ملک میں کل ملا کر 11.84لاکھ دو پہیہ گاڑیوں کی فروخت ہوئی ہے جو جنوری 2022میں بیچے گئے دو پہیہ گاڑیوں کے مقابلے میں صرف 3.81فیصد زیادہ ہیں۔ جنوری 2022میں 11.41لاکھ دو پہیہ گاڑیوں کی فروخت ہوئی تھی۔
ایس آئی اے ایم کے ڈائریکٹر جنرل راجیش مینن نے کہا کہ جنوری میں ایک بار پھر سے مسافرگاڑیوں کی سب سے زیادہ فروخت دیکھی گئی ہے ۔گزشتہ 10مہینوں میں اپریل سے جنوری تک 30لاکھ مسافر گاڑیوں کی فروخت ہو چکی ہے ۔ ایل 5 سیریز کے تین پہیہ گاڑیوں کی فروخت میں جنوری 2022کے مقابلے میں جنوری2023می دوگنی تیزی دیکھی گئی ہے جب کہ دو پہیہ گاڑیوں کی فروخت میں معمولی تقریبا 4فیصد اضافہ ہوا ہے ۔
