سرینگر//
شمالی کشمیر کے ضلع بارہمولہ میں واقع سیاحتی مقام گلمرگ کے افروٹ چوٹی پر ہفتے کی صبح ایک اور برفانی تودا گر آیا تاہم کسی جانی نقصان کی کوئی اطلاع نہیں ہے ۔
بارہمولہ پولیس نے اپنے ایک ٹویٹ میں جانکاری فراہم کرتے ہوئے کہا کہ گلمرگ میں افروٹ چوٹی پر آج صبح (ہفتے کی صبح) برفانی تودا گر آیا تاہم فی الوقت کسی جانی نقصان کی ہوئی اطلاع نہیں ہے ۔
ٹویٹ میں کہا گیا کہ اس علاقے کو پہلے ہی ریڈ زون قرار دیا گیا ہے اور وہاں لوگوں کی نقل و حمل محدود کر دی گئی ہے ۔
ٹویٹ میں سیاحوں کو ایک بار پھر اس علاقے میں جانے سے احتراز کرنے اور پولیس کے ساتھ تعاون کرنے کی ہدایت دی گئی۔
بتادیں کہ یکم فروری کو افروٹ چوٹی پر برفانی تودے گر آنے سے دو غیر ملکی سیاح جان بحق ہوئے تھے جبکہ ۱۹دیگر کو بچا لیا گیا تھا۔