گریز:کشن گنگا ندی میں برفانی تودا گرا ٓیا ، پانی کی سپلائی متاثر

سرینگر//
جموںکشمیر کے ضلع بانڈی پورہ کے تلیل علاقے میں کشن گنگا ندی میں بھاری برکم برفانی تودا گر آیا جس وجہ سے پانی کی سپلائی متاثر ہوئی ہے ۔
ذرائع نے بتایا کہ جمعے کے روز تلیل کے نیرو اور وزرتھل گاؤں میں برفانی تودے گر آئے جس وجہ سے کشن گنگا ندی میں پانی کابہاوبند ہو گیا۔
کشن گنگا میں پانی کابہاؤ رک جانے سے کئی گاؤں میں پانی کی سپلائی بند ہوئی ہے جس وجہ سے ان علاقوں کے لوگوں کو مشکلات کا سامنا کرناپڑرہا ہے ۔انہوں نے بتایا کہ ضلعی انتظامیہ نے متعدد ٹیمو ں کو جائے وقوع کی اور روانہ کیا ہے ۔
معلوم ہوا ہے کہ انتظامیہ نے لوگوں سے اپیل کی ہے کہ وہ گھروں سے باہر آتے وقت احتیاط برتیں ۔
سرکاری ذرائع نے بتایا کہ بانڈی پورہ کے تلیل گاؤں میں ایک بھاری برکم برفانی تودا گر آیا۔انہوں نے کہا کہ تاہم اس واقعے میں کسی جانی یا مالی نقصان کی کوئی اطلاع نہیں ہے ۔معلوم ہوا ہے کہ متعدد ٹیموں کو جائے وقوع کی اور روانہ کیا گیا اور اس سلسلے میں مزید تفصیلات کا انتظار ہے ۔
دریں اثنا حکام علاقے میں تازہ صورتحال پر کڑی نگاہ رکھے ہوئے ہیں۔
اس دوران ڈی ڈی سی تلیل اعجاز راجہ نے انتظامیہ سے بحالی کے کاموں کو تیز کرنے کی درخواست کی تاکہ پانی کی سپلائی جلد از جلد بحال ہو سکے۔ راجہ نے کہا کہ گوگراں میں برفانی تودہ گرنے سے پانی کی سپلائی کو نقصان پہنچا ہے جس سے کم از کم ۰۲۰ خاندان متاثر ہوئے ہیں۔
ایک سرکاری عہدیدار کے مطابق علاقے کو احتیاطی طور پر بند کر دیا گیا ہے اور لوگوں سے تاکید کی گئی ہے کہ وہ گھروں سے غیر ضروری باہر نکلنے سے احتراز کریں۔انہوں نے کہا کہ حکام نے لوگوں کو مدد کے لئے ایمرجنسی ہیلپ لائن نمبرس بھی فراہم کئے ہیں۔