جموں میں رہبر کھیل کے تحت تعینات ٹیچروں کابھاجپا دفتر کے باہر دھرنا

جموں///
جموںکشمیر کی سرمائی راجدھانی جموں میں رہبر کھیل کے تحت تعینات اساتذہ نے اپنی مانگوں کو لے کر سڑکوں پر آکر احتجاجی مظاہرئے کئے ۔
معلوم ہوا ہے کہ ملازمین نے بھارتیہ جنتاپارٹی دفتر کے باہر دھرنا دیا ۔
یو این آئی اردو کے نامہ نگار نے بتایا کہ جمعے کے روز جموں میں رہبر کھیل کے تحت تعینات اساتذہ نے سڑکو ں پر آکر احتجاجی مظاہرئے کئے ۔
نامہ نگاروں سے بات چیت کے دوران ملازمین نے بتایا کہ پچھلے سولہ دنوں سے وہ احتجاج پر بیٹھے ہوئے ہیں لیکن سرکار ان کی جائز مانگوں کی اور کوئی توجہ نہیں دے رہی ہیں۔انہوں نے بتایا کہ احتجاج کی خاطر وہ کشمیر سے جموں آئے لیکن اس کے باوجود بھی انتظامیہ ٹس سے مس نہیں ہو رہی ہیں۔
نامہ نگاروں نے مزید کہاکہ انتظامیہ نے حال ہی میں رہبر کھیل کے تحت تعینات ٹیچروں کے حوالے سے ایک آرڈر نکالا جو ناقابل برداشت ہے اور اس کو فوری طورپر کالعدم قرار دینے کی ضرورت ہے ۔
احتجاجی ملازمین نے بی جے پی دفتر کے باہرشاہراہ پر بیٹھ کر دھرنا دیا جس وجہ سے گاڑیوں کی آمدورفت بھی متاثر ہوئی۔