ھاکر کھیلو انڈیا سرمائی کھیلوں کے شوبنکر‘ تھیم سانگ اور جرسی لانچ میں شرکت کریں گے

سرینگر///
کھیلو انڈیا سرمائی کھیلوں کے تیسرے ایڈیشن کے شوبنکر، تھیم سانگ اور جرسی کی لانچنگ کل۴فروری کو جموں کے لیفٹیننٹ گورنر ہاؤس راج بھون میں ہوگی۔
سرمائی کھیل رواں ماہ کی ۱۰ سے ۱۴ تاریخ تک منعقد ہونے والے ہیں۔
امور نوجواں اور کھیلوں کے مرکزی وزیر انوراگ سنگھ ٹھاکر جموں و کشمیر کے لیفٹیننٹ گورنر منوج سنہا اور دیگر معززین کے ساتھ موجود ہوں گے۔
کھیلو انڈیا سرمائی کھیلوں کو امور نوجواں اور کھیلوں کی وزارت کی حمایت حاصل ہے اور اس کا اہتمام جموں کشمیر اسپورٹس کونسل کے ساتھ ساتھ جموں و کشمیر کے سرمائی کھیلوں کی ایسوسی ایشن نے کیا ہے۔
گلمرگ میں ہونے والے ان کھیلوں میں ملک بھر کے تقریباً ۱۵۰۰ کھلاڑی حصہ لیں گے اور یہ۹کھیلوں کے مقابلوں میں کھیلے جائیں گے۔
کھیلو انڈیا سرمائی کھیلوں کا پہلا ایڈیشن ۲۰۲۰ میں ہوا اور میزبان جموں کشمیر اب تک ان کھیلوں کے دونوں ایڈیشنوں میں سرفہرست رہا ہے۔