نئی دہلی// کانگریس نے ہنڈن برگ رپورٹ کے بعد ایل آئی سی اور پبلک سیکٹر کے بینکوں کے حصص میں گراوٹ کو سنگین قرار دیتے ہوئے کہا کہ غریبوں کا پیسے لٹوائے گئے ہیں اور اس کے خلاف پارٹی 6 فروری کو ملک گیر احتجاج کرے گی۔
جمعرات کو یہاں جاری ایک بیان میں کانگریس کے جنرل سکریٹری کے سی وینوگوپال نے کہا کہ عوامی پیسے کی لوٹ مار کے خلاف عوامی غم و غصے کے پیش نظر پارٹی نے پیر 06 فروری کو لائف انشورنس کارپوریشن کے دفاتر اور اسٹیٹ بینک آف انڈیا کے دفاتر کے سامنے ملک گیر احتجاج کا اہتمام کرنے کا فیصلہ کیا ہے ۔
انہوں نے کہا کہ ایل آئی سی نے اڈانی گروپ میں کل ملاکر 36,474.78 کروڑ روپے کی سرمایہ کاری کی ہے اور قومی بینکوں نے تقریباً 80,000 کروڑ روپے کی سرمایہ کاری کی ہے ۔ یہ معاملہ سامنے آنے کے بعد سے گروپ کو 100 ارب ڈالر کا نقصان ہوا ہے ۔
انہوں نے کہا کہ تمام ریاستی دفاتر اور ضلع کانگریس کمیٹیوں سے مظاہرے کرنے اور ان مظاہروں میں بوتھ سطح پر پارٹی کے سینئر لیڈروں، عہدیداروں اور کارکنوں کی شرکت کو یقینی بنانے کی درخواست کی گئی ہے ۔