بھونیشور، //) اڈیشہ کے بودھ ضلع میں نیشنل ہائی وے -57 پر واقع بہیرا چوک پر جمعرات کی صبح ایک چار پہیہ گاڑی نے پانچ موٹر سائیکلوں کو ٹکر مار دی، جس میں دو لوگوں کی موت ہوگئی اور کئی دیگر زخمی ہو گئے ، جن میں تین کی حالت نازک ہے ۔
پولیس نے مرنے والوں میں سے ایک کی شناخت اینلاپلی کے پنچایت ایگزیکٹو آفیسر (پی ای او) گووند ساہو کے طور پر کی ہے ۔
ذرائع کے مطابق فور وہیلر بولانگیر سے بھونیشور جا رہا تھا کہ اس نے موٹر سائیکلوں کو ٹکر مار دی۔ حادثے کے بعد مشتعل دیہاتیوں نے مرنے والوں کے لواحقین کو مناسب معاوضہ دینے کا مطالبہ کرتے ہوئے قومی شاہراہ بلاک کر دیا۔