سرینگر/
سرینگر سمیت وادی کے بیشتر علاقوں میں بدھ کو برفباری اور بارشیں ہوئیں ۔
وادی کے بالائی علاقوں بشمول گلمرگ، پہلگام ،سونہ مرگ اور پیر پنچال کی چوٹیوں پر بدھ کے روز درمیانی درجے کی برف باری ہوئی۔
سیاحتی مقام گلمرگ میں پچھلے چوبیس گھنٹوں کے دوران ۹؍انچ برف ریکارڈ کی گئی۔
محکمے کے ایک ترجمان کے مطابق وادی میں۲۵ جنوری تک میدانی علاقوں میں ہلکی سے درمیانی درجے جبکہ بالائی علاقوں میں درمیانی سے بھاری برف باری کا امکان ہے ۔
ترجمان نے کہا کہ۲۶سے۲۸جنوری تک موسم ابر آلود رہ سکتا ہے اور اس دوران بھی کہیں کہیں بلکے برف وباراں کی توقع ہے ۔ان کا کہنا تھا کہ بعد ازاں وادی میں۲۹سے۳۰جنوری تک بھی برف باری ہوسکتی ہے ۔
محکمہ موسمیات کے مطابق سرینگر میں پچھلے چوبیس گھنٹوں کے دوران ایک سینٹی میٹر برف ریکارڈ کی گئی، قاضی گنڈ ۱۱سینٹی میٹر، پہلگام۲ء۱۶سینٹرمیٹر، کوکر ناگ ۵ء۱۴‘ گلمرگ میں ۲۱سینٹی میٹر، بدرواہ۷سینٹی میٹر ، کپواڑہ۷ء۱۲ملی میٹر بارشیں ریکارڈ کی گئی۔
دارلحکومت سرینگر میں کم سے کم درجہ حرارت منفی۰ء۰ ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۳ء۲ڈگری سینٹی گریڈ ریکارڈ کیا گیا۔
سرینگر میں۵جنوری کو رواں سیزن کی سرد ترین رات ریکارڈ ہوئی تھی جب کم سے کم درجہ حرارت منفی۴ء۶ڈگری سینٹی گریڈ ریکارڈ ہوا تھا۔
وادی کے شہرہ آفاق سیاحتی مقام گلمرگ میں کم سے کم درجہ حرارت منفی۶ء۴ڈگری سینٹی گریڈ ریکارڈ کیا گیا جہاں گذشتہ شب۶ء۹درجہ حرارت ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت منفی۶ء۲ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۸ء۸ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت منفی۶ء۰ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۴ء۳ڈگری سینٹی گریڈ ریکارڈ ہوا تھا۔
قصبہ قاضی گنڈ میں کم سے کم درجہ حرارت منفی۲ء۰ ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۶ء۰ ڈگری سینٹی گریڈ ریکارڈ ہوا تھا۔
لداخ یونین ٹریٹری کے ضلع کرگل میں کم سے کم درجہ حرارت منفی۵ء۹ڈگری سینٹی گریڈ ریکارڈ کیا گیا جبکہ ضلع لیہہ میں کم سے کم درجہ حرارت منفی۵ء۱۱ڈگری سینٹی گریڈ ریکارڈ ہوا ہے ۔
اس دوران وادی کشمیر کو ملک کے باقی حصوں کے ساتھ جوڑنے والی سرینگر، جموں قومی شاہراہ پر بدھ کی صبح ٹریفک کی نقل و حمل ایک بار پھر روک دی گئی۔
ٹریفک حکام نے بتایا کہ پنتھال اور مہر رام بن میں چٹانیں اور مٹی کے تودے گر آنے کے باعث شاہراہ پر ٹریفک کی نقل وحمل بند کردی گئی ہے ۔
ان کا کہنا تھا کہ شاہراہ پر ٹریفک کی آمد و رفت کو بحال کرنے کیلئے افرادی قوت اور مشینری کو کام پر لگا دیا گیا ہے ۔
ادھر وادی کو لداخ یونین ٹریٹری کے ساتھ جوڑنے والی سرینگر، لیہہ شاہراہ اور جنوبی کشمیر کے ضلع شوپیاں کو صوبہ جموں کے ضلع پونچھ کے ساتھ جوڑنے والے تاریخی مغل روڈ پر پہلے سے ہی ٹریفک کی آمد و رفت بند ہے ۔
شاہراہ کے بند ہونے سے اہلیان وادی کو گونا گوں مشکلات سے دوچار ہونا پڑتا ہے ۔