بابراعظم ٹیسٹ کرکٹ میں رضوان کی جگہ سرفراز کو موقع دیں، حفیظ

کراچی
پاکستانی کرکٹ ٹیم کے سابق کپتان محمد حفیظ نے بابراعظم کو ٹیسٹ فارمیٹ میں وکٹ کیپر بیٹر محمد رضوان کو آرام کروانے کا مشورہ دیدیا۔
محمد حفیظ نے کہا کہ گزشتہ برس کرکٹ کے طویل ترین فارمیٹ کے 8 میچز میں رضوان نے محض 30.84 کی اوسط سے 401 رنز بنائے ہیں اور کوئی وکٹوں کے پیچھے بھی کوئی خاطر خواہ کارکردگی نہیں دیکھا سکے، میرے نزدیک بابراعظم کو سرفراز احمد کو موقع دینا چاہیے۔
انہوں نے کہا کہ پاکستان کرکٹ بورڈ (پی سی بی) کے اعلیٰ عہدیداران کو بھی سمجھنے کی ضرورت ہے کہ اگر رضوان ایک فارمیٹ میں پرفارم نہیں کرپارہا ہے تو اسکی جگہ کسی اور کو موقع دیں، سرفراز احمد یا کوئی آپشن موجود ہے تو استعمال کریں۔
سابق کپتان سرفراز احمد کو نیوزی لینڈ کے خلاف سیریز میں 4 سال بعد پاکستانی ٹیم میں کم بیک کیا اور شاندار کارکردگی کا مظاہرہ کرتے ہوئے 83.75 کی اوسب سے 335 رنز بنائے جس میں ایک سینچری اور 3 نصف سینچریاں شامل تھیں۔