پھنسے ہوئے میچ جیتنے کے لیے کارتک جیسے کھلاڑیوں کی ضرورت : ڈو پلیسس

ممبئی// رائل چیلنجرز بنگلور (آر سی بی) کے کپتان فاف ڈو پلیسس نے منگل کو یہاں راجستھان رائلز کے خلاف 2022 آئی پی ایل کے 13ویں میچ میں سنسنی خیز جیت کے بعد کہا کہ پھنسے ہوئے میچ کو جیتنے کے لیے آپ کو دنیش کارتک جیسے کھلاڑیوں کی ضرورت ہوتی ہے۔
قابل ذکر ہے کہ وکٹ کیپر دنیش کارتک کی 23 گیندوں پر 44 رنز کی ناقابل شکست اننگ کی بدولت بنگلورو نے ہاراہوامیچ چاروکٹ سے جیت لیا تھا۔
ڈو پلیسس نے میچ کے بعد کہا، “یہ کمال کا میچ تھا۔ ایسے میچ کو دوسری ٹیم کے جبڑوں سے کھینچنے کے لیے آپ کو دنیش کارتک جیسے کھلاڑیوں کی ضرورت ہوتی ہے، جو ایسے لمحات میں مثبت رویہ دکھا سکیں۔ وہ بہت پرسکون تھے جس کی وجہ سے سامنے والے کھلاڑیوں پر دباؤ نہیں بنا۔ ہم نے گیند بازی بھی اچھی کی تھی، لیکن جوس نے 19ویں اوور میں اچھی بلے بازی کی اور اپنی ٹیم کو باعزت اسکور تک لے گئے۔ ہمیں وہ شروعات نہیں ملی جو ہمیں کرنی چاہیے تھی، لیکن ہمیں یقین تھا کہ ہم میچ جیت سکتے ہیں۔ شہباز کے پاس اپنا گیم پلان تھا اور وہ مستقبل میں گیندبازی میں بھی اپناتعاون دے سکتے ہیں۔