پٹاخے پھوڑ کر لوگوں میں خوف و ہراس پھیلانے کے الزام میں چھ گرفتار:پولیس

سرینگر//
پولیس نے سرینگر کے زونی مر علاقے میں پٹاخے پھوڑ کر لوگوں میں خوف و ہراس پھیلانے کے الزام میں۶؍افراد کو گرفتار کیا ہے ۔
پولیس کا کہنا ہے کہ گرفتار شدگان ماضی میں پتھر بازی میں بھی ملوث رہے ہیں۔
سرینگر پولیس نے بدھ کی رات اپنے ایک ٹویٹ میں کہا’’سید پورہ،زونی مر علاقے میں رات کے دوران پٹاخے پھوڑ کر لوگوں میں خوف وہراس پھیلانے کے الزام میں۵شر پسندوں کو گرفتار کیا گیا‘‘۔
پولیس ٹویٹ میں کہا گیا’’ ان سب کی ماضی میں پتھری بازی میں ملوث رہنے کی بھی تاریخ ہے ،مزید جانچ چل رہی ہے ‘‘۔
ایک اور ٹویٹ میں کہا گیا’’پہلے پانچ بعد میں ایک اور کو گرفتار کیا گیا اور کل تعداد چھ ہوگئی۔‘‘