سرینگر///
جموں کشمیر کے لیفٹیننٹ گورنر منوج سنہا جموں کے ایم اے اسٹیڈیم جموں میں یوم جمہوریہ کی مرکزی تقریب کی صدارت کریں گے اور مارچ پاسٹ پر سلامی لیں گے۔
یہ جانکاری ایک سرکاری حکم نامے کے ذریعے دی گئی ہے ۔
لیفٹیننٹ گورنر کے مشیر‘ راجیو رائے بھٹناگر سری نگر میں مرکزی تقریب کی صدارت کریں گے اور سلامی لیں گے۔
واضح رہے یوم جمہوریہ کی تقریبات کے سلسلے ،میں باضابطہ طور انتظامات کئے جا رہے ہیں ۔
دریں اثنا چیف سکریٹری ڈاکٹر ارون کمار مہتا نے آج پولس اور سول انتظامیہ پر زور دیا کہ وہ ۷۴ ویں یوم جمہوریہ کی تقریبات کے لیے مناسب انتظامات کریں جو اس جنوری میں پورے جموں و کشمیر میں منائے جائیں گے۔
ڈاکٹر مہتا نے یہ باتیں یوم جمہوریہ کے انتظامات کا جائزہ لینے کے لیے منعقدہ اجلاس کی صدارت کرتے ہوئے کہیں۔
چیف سیکرٹری نے ڈویڑنل اور ضلعی انتظامیہ پر زور دیا کہ وہ اس موقع پر تمام سرکاری دفاتر اور عمارتوں کو آرائشی رنگوں سے روشن کریں۔ انہوں نے انہیں ہر جگہ پر ہونے والی تقریبات میں عوام کی شرکت کی سہولت فراہم کرنے کی تاکید کی۔