ولر سے تین شکاری بندوقیںضبط ’مہا جر پندوں کا شکار ہورہا تھا ‘

بانڈی پورہ//
محکمہ فارسٹ پروٹیکشن فورس بانڈی پورہ نے آج ایک چھاپے مار کارروائی کے دوران جھیل ولر سے تین شکاری بندوقیں ضبط کی ہیں۔
یہ کارروائی ڈویڑنل فارسٹ پروٹکشن افسر بانڈی پورہ اعجاز احمد کی قیادت میں کی گئی۔
تفصیلات کے مطابق فارسٹ پروٹیکشن فورس نے بنا لائسنس کے ایک جبکہ دو لائسنس شدہ پنتھ بندوقیں برآمد کی ہیں۔ یہ بندوقیں بانڈی پورہ کے صدر کوٹ بالا علاقے سے برآمد کیے گئیں۔
محکمے کے اہلکاروں کے مطابق یہ بندوقیں آبی وسائل میں موجود آبی پرندوں کا شکار کرنے کیلئے استعمال کی جاتی ہیں جو کہ غیر قانونی ہے۔
غور طلب ہے کہ ولر جھیل ایشا کی سب سے بڑی جھیلوں میں ایک جھیل شمار کی جاتی ہے۔ جہاں موسم سرما کے دوران لاکھوں کی تعداد میں مہاجر پرندیں ایک مخصوص وقت کیلئے آتے ہیں، جن میں کچھ ایک پرندوں کی اقسام نایاب ہیں۔
محکمے کے ایک اعلی افسر نے بتایا کہ اس طرح کی غیر قانونی حرکت کسی بھی صورت میں برداشت نہیں کی جائے گی اور مستقبل میں بھی اس طرح کی کارروائیاں بھی عمل میں لائی جائے گی تاکہ کسی بھی طرح سے ان آبی پرندوں کو کوئی خطرہ لاحق نہ ہو۔