جموں//
وادی کشمیر کو ملک کے باقی حصوں کے ساتھ جوڑنے والی سرینگر،جموں شاہراہ پر مہد رام بن کے نزدیک چٹانیں کھسک آنے کی وجہ سے ٹریفک کی نقل وحمل کیلئے بند کردی گئی تاہم شاہراہ کو بحال کرنے کیلئے آپریشن جاری ہے ۔
ٹریفک حکام نے بتایا کہ جمعے کی شام کو سرینگر جموں شاہراہ پر مہد رام بن کے نزدیک اچانک چٹانیں کھسک آئی جس کے نتیجے میں شاہراہ پر ٹریفک کی نقل و حمل بند کردی گئی۔انہوں نے کہا کہ شاہراہ کو قابل آمد و رفت کی بنانے کیلئے بڑے پیمانے پر آپریشن جاری ہے ۔
اس سے پہلے حکام نے زوجیلا پاس پر کل یعنی ہفتے سے ٹریفک کی آمد و رفت بند کرنے کا فیصلہ لیا ہے ۔
ذرائع نے بتایا کہ موسم خراب ہونے کی پیش گوئی کے پیش نظر حکام نے زوجیلا پاس پر ہفتے سے ٹریفک کی نقل و حمل بند کرنے کا فیصلہ لیا ہے ۔انہوں نے کہا کہ زوجیلا پاس پر امسال پہلی بار سرما کے دوران۶جنوری تک ٹریفک کی نقل و حمل جاری رہی۔
بتادیں کہ محکمہ موسمیات نے وادی کشمیر میں اگلے ایک ہفتے کے دوران برف و باراں کی پش گوئی کی ہے ۔متعلقہ محکمے نے رازدان پاس، سنتھن پاس، سادھنہ پاس، مغل روڈ پر سفر کرنے والے مسافروں اور ٹرانسپورٹروں سے تاکید کی ہے کہ وہ موسمی صورتحال کے مطابق اپنے سفر کا منصوبہ بنائیں۔