عشمقام میں ذہنی طور پر معذور شخص کی ۳افراد کو ہلاک کیا

سری نگر/ 23 دسمبر
ضلع اننت ناگ کے عشمقام علاقے میں جمعہ کو ایک ذہنی معذور شخص کے حملے میں تین افراد ہلاک اور متعدد زخمی ہوگئے۔
سب ڈسٹرکٹ مجسٹریٹ (ایس ڈی ایم) پہلگام نے بتایا کہ عشمقام کے علاقے میں آج صبح ہنگامہ آرائی کرنے والے ذہنی طور پر معذور شخص نے ماں سمیت تین افراد کو قتل کر دیا ہے۔
ذہنی طور پر معذور شخص جاوید حسن راتھر نے آج صبح عشمقام کے علاقے میں اپنے والدین سمیت متعدد افراد پر لاٹھی سے حملہ کیا۔ان کا کہنا تھا کہ اس واقعے میں مزید چھ افراد زخمی ہوئے ہیں۔
ذہنی معذور شخص نے پہلے اپنے گھر والوں پر حملہ کیا جس میں اس کے والدین زخمی ہوئے اور بعد میں باہر آکر باہر کئی لوگوں پر حملہ کردیا۔
مرنے والوں کی شناخت غلام نبی خادم، ان کی والدہ حذیفہ بیگم اور محمد امین شاہ کے نام سے ہوئی ہے جو تمام اشمقام کے رہائشی ہیں۔
علاوہ ازیں زخمیوں کو علاج کے لیے اسپتال منتقل کر دیا گیا ہے۔
ایس ڈی ایم نے مزید بتایا کہ ملزم کو حراست میں لے لیا گیا ہے۔