اننت ناگ میں فوجی گاڑی کو حادثہ‘ پانچ زخمی

سرینگر//
شمالی کشمیر کے اپیل ٹاؤن سوپور کے چریہار بوٹنگوعلاقے میں ایک سڑک حادثے میں ڈرائیور کی بر سر موقع ہی موت واقع ہوگئی۔
سرکاری ذرائع نے بتایا کہ سوپور کے چریہار بوٹنگو علاقے میں تین پہیہ والی ایک گاڑی سڑک پر پھسل کر لڑھک گئی جس کے نتیجے میں ڈارئیور کی بر سر موقع ہی موت واقع ہوگئی۔
متوفی ڈرائیور کی شناخت مدثر احمد لون ساکن چریہار بوٹنگو کے بطور ہوئی ہے ۔دریں اثنا پولیس نے اس ضمن میں ایک کیس درج کرکے تحقیقات شروع کی ہے ۔
دریں اثناجنوبی ضلع اننت ناگ کے سریگفوارہ علاقے میں فوجی گاڑی کو حادثہ پیش آیا جس کے نتیجے میں پانچ اہلکار زخمی ہوئے جنہیں علاج ومعالجہ کی خاطر نزدیکی ہسپتال منتقل کیا گیا۔
سرکاری ذرائع نے بتایا کہ ہفتے کے روز سریگفوارہ بجبہاڑہ میں فوجی گاڑی ڈرائیور کے قابو سے باہر ہو کر سڑک پر اُلٹ گئی جس کے نتیجے میں گاڑی میں سوار پانچ فوجی زخمی ہوئے ۔
معلوم ہوا ہے کہ حادثے میں زخمی ہوئے فوجی اہلکاروں کو علاج ومعالجہ کی خاطر نزدیکی ہسپتال منتقل کیا گیاجہاں پر سبھی کی حالت مستحکم بتائی جارہی ہے ۔