آسٹریلیا کو جیت کے لئے چھ وکٹیں درکار

ایڈیلیڈ// آسٹریلیا نے دوسرے ٹیسٹ کے تیسرے دن ہفتہ کو ویسٹ انڈیز کو 497 رنز کا بڑا ہدف دینے کے بعد اس کے 38 رن پر چار وکٹ حاصل کرلئے۔
ویسٹ انڈیز کو ٹیسٹ جیتنے کے لیے دو دن میں 459 رنز درکار ہےجب کہ آسٹریلیا کو سیریز 2-0 سے جیتنے کے لیے صرف چھ وکٹیں درکار ہیں۔
آسٹریلیا نے تیسرے دن کے آغاز پر ویسٹ انڈیز کو 214 رنز پر آل آؤٹ کر کے 297 رنز کی برتری حاصل کر لی۔ اسٹیو اسمتھ کی ٹیم نے تاہم ویسٹ انڈیز کو فالو آن کرنے کے بجائے دوبارہ بلے بازی کرنےکا فیصلہ کیا۔
آسٹریلیا نے دوسری اننگز میں شاندار بلے بازی کی اور 31 اوورز میں 199/6 پر اننگز ڈکلیئر کر دی۔ عثمان خواجہ نے 50 گیندوں پر سات چوکوں کی مدد سے 45 رنز بنائے جبکہ ٹریوس ہیڈ نے 27 گیندوں پر دو چوکوں اور دو چھکوں کی مدد سے ناٹ آوٹ 38 رنز بنائے۔
ہدف کا تعاقب کرنے والی ویسٹ انڈیز کی شروعات مایوس کن رہی۔ اسکاٹ بولینڈ نے اپنے پہلے ہی اوور میں کریگ براتھویٹ، شمارہ بروکس اور جرمین بلیک ووڈ کو آؤٹ کیا، جبکہ مچل اسٹارک کی گیند پر تیج نارائن چندرپال کی وکٹ گرنے نے ویسٹ انڈیز کا اسکور 21/4 ہوگیا۔
ڈیون تھامس اور جیسن ہولڈر نے تاہم اس کے بعد اننگز کو سنبھالا اور دن کے کھیل کے اختتام تل وکٹ پر جمے رہے۔ دونوں بلے بازوں نے 44-44 گیندیں کھیلی ہیں اور آٹھ آٹھ رنز کے اسکور پر ناٹ آوٹ ہیں۔