آرمڈ فورسز فلیگ ڈے : سنہا کی فوج کو مبارکباد

سرینگر//
جموںکشمیر کے لیفٹیننٹ گورنر‘ منوج سنہا نے آرمڈ فورسز فلیگ ڈے پر فوج کو مبارکباد پیش کی ہے ۔
سنہا نے کہا کہ میں اپنے فوجی جوانوں کی بہادری اور ملک کے تئیں ان کی خدمات کو خراج تحسین پیش کرتا ہوں۔
بتادیں کہ آرمڈ فورسز فلیگ ڈے جس کو ہندوستان کا یوم پرچم بھی کہا جاتا ہے ، مسلح فوج کے جوانوں اور سابق فوجیوں کے اعزاز میں۱۹۴۹سے ہر سال۷دسمبر کو منایا جاتا ہے ۔
لیفٹیننٹ گورنر نے اس موقعے پر فوج کو مبارک باد پیش کرتے ہوئے بدھ کو اپنے ایک ٹویٹ میں کہا’’آرمڈ فورسز فلیگ ڈے پر میں مسلح افواج اور ان کے اہل خانہ کو مبارک باد پیش کرتا ہوں اور ان کیلئے نیک خواہشات کا اظہار کرتا ہوں‘‘۔
سنہا کا ٹویٹ میں مزید کہنا تھا’’میں اپنے فوجی جوانوں کی ہمت اور لگن کو سلام پیش کرتا ہوں اور ان کی بہادری اور ملک کے تئیں ان کی خدمات کو خراج تحسین پیش کرتا ہوں‘‘۔
لیفٹیننٹ گورنر نے اپنے دوسرے ٹویٹ میں کہا کہ یوم پرچم ہم سب کیلئے بہادر فوجی جوانوں کے ساتھ اظہار تشکر ویکجہتی کرنے کا ایک موقع ہے ۔
سنہا نے کہا’’میں تمام شہریوں سے اپیل کرتا ہوں کہ وہ آرمڈ فورسز فلیگ ڈے فنڈ میں دل کھول کر امداد کرکے فوجی جوانوں، سابق فوجی جوانوں اور ان کے اہل خانہ کی فلاح و بہبودی کے اس عظیم کام میں اپنا حصہ ادا کریں۔‘‘