کل یعنی ہفتہ کو جسمانی طور پر معذوروں کا عالمی دن منایا گیا… کشمیر میں بھی اس ضمن میں کچھ ایک تقاریب ہوئیں…کچھ ایک بیانات بھی سامنے آئے جن میں جسمانی طور پر معذور افراد کے مطالبات … جائز مطالبات کو دہرایا گیا … کشمیر میں جسمانی طور پر معذور افراد کی ایک بڑ تعداد موجود ہے… اور گزشتہ تیس پنتیس برسوں میں ان میں اضافہ بھی ہوا… اس لئے اگر ان حضرات کے مسائل کے بارے میں ان سے منسوب دن پر کوئی بات ہو تی ہے تو… تو صاحب اس سے بڑی بات اور کیا ہو ہو سکتی ہے۔یہ تو رہی جسمانی طور پر معذور افراد اور ان کے دن کی بات … یقین کیجئے کہ ہم نہیں جانتے ہیں کہ کیا ذہنی طور پر معذور افراد کا کوئی دن منایا جاتا ہے اور… اور اگر منایا جاتا ہے تو… تو کب اور کس دن منایا جاتا ہے… اس دن کن کی بات ہو تی ہے‘ یعنی یہ سماج ‘یہ معاشرہ ‘ یہ دنیا کن کو ذہنی طور پر معذور افراد قرار دیتی ہے اور… اور پھر ان کے بارے میںبات بھی کرتی ہے‘ہمیں نہیں معلوم۔ وہ کیا ہے کہ … کہ ہمیں یقین ہے اور… اور سو فیصد یقین ہے کہ اگر اذہنی طور معذور افراد کے طبقے میں ابھی داخلہ کھلا ہے… اوپن ہے تو… تو کشمیر ی سماج کاایک اعلیٰ طبقہ بھی اس میں شامل ہو سکتا ہے… اس کو شامل کیا جا سکتا ہے… یہ وہ طبقہ ہے جو خود کو ذہین سمجھتا ہے ‘ خود کو اعلیٰ سمجھتا ہے‘ اس طبقے کو گمان ہے کہ جب اللہ میاں عقل و دانش ‘ فہم اور فراست ‘ علم‘دانائی اور حکمت تقسیم کررہا تھا تو… تو قطار میں یہ سب سے آگے تھے اس لئے ان کے حصے میں یہ سب کچھ ہو ل سیل میں آیا … کیا واقعی ایسا ہی ہے؟ ممکن ہے کہ ایسا ہی ہو …لیکن جہاں تک کشمیر میں اس طبقے کا حال ہے… اس طبقے کے یعنی صحافیوں کا حال ہے تو… تو یقین کیجئے کہ ان سے میں سے ایک اکثریت ذہنی طور پر اس قدر معذور ہے‘ مفلوج ہے ‘ افلاس زدہ ہے کہ اسے اوپن میرٹ میں ذہنی طور پر معذور افراد کے طبقے میں داخلہ مل سکتا ہے ۔اللہ تعالیٰ نے اس سے صحیح سوچنے ‘ سمجھنے اور کرنی کی صلاحیتوں سے محروم کردیا ہے… یہ سازشی ہے ‘ یہ منافق ہے‘ یہ حاسد ہے ‘ فاسد ہے … اور سب سے بڑھ کر اپنے ہی ہم پیشہ‘ اپنے ہی ساتھیوں ‘اپنی ہی برادری کیخلاف یہ جال بننے میں ماہر ہے… ایسا جال جس میں وہ بے چارے پھنس کے رہ جاتے ہیں… تڑپ کے رہ جاتے ہیں۔لیکن… لیکن چونکہ یہ ذہنی طور پر معذور ہے… اس لئے اسے یہ ایک بات ‘ یہ ایک حقیقت سمجھ میں نہیں آجاتی ہے کہ …کہ بالآخر مکڑی اپنے ہی بننے جالے میں پھنس جاتی اور… اور بری طرح پھنس جاتی ہے ۔ ہے نا؟
