کرائسٹ چرچ//ہندوستان اور نیوزی لینڈ کے درمیان کھیلی گئی تین میچوں کی یک ورزہ سیریز کا آخری میچ بدھ کو بارش کی نذر ہونے کے بعد نیوزی لینڈ نے سیریز 1-0 سے جیت لی۔ہندوستان نے پہلے بلے بازی کرتے ہوئے نیوزی لینڈ کے سامنے جیت کے لئے 220 رن کا ہدف رکھا۔ ڈک ورتھ لوئس ضابطے کے مطابق میچ کا نتیجہ نکالنے کے لئے کم از کم 20 اوور پھینکے جانے کی ضرورت تھی، لیکن ایک گھنٹے اور چالیس منٹ تک بارش نہ رکنے کے بعد امپائروں نے میچ کو منسوخ کرنے کا فیصلہ کیا۔
نیوزی لینڈ کے لئے سلامی بلے باز فن ایلن نے 54 گیندوں میں آٹھ چوکوں اور ایک چھکے می مدد سے 57 رن بنائے، جبکہ ڈیوین کانوے نے 51 گیندوں پر چھ چوکوں کے سات ناٹ آؤٹ 38 رن کی اننگز کھیلی۔
اس سے قبل نیوزی لینڈ کے گیند بازوں نے ہندوستان کو 47.3 اوور میں 219 رن پر آل آؤت کردیا۔ ہندوستان کو اس عزت دارانہ اسکور تک پہنچانے کے لئے واشنگٹن سندر نے 64 گیندوں پر پانچ چوکوں اور ایک چھکا لگاکر 51 رن بنائے جبکہ شریئس ایر نے بھی 59 گیندوں پر آٹھ چوکوں کی مدد سے 49 رن کا تعاون دیا۔
تین میچوں کی سیریز 1-0 سے جیتنے والی نیوزی لینڈ نے جہاں پہلا میچ سات وکٹ سے جیتا وہیں دوسرا میچ بارش کی نذر ہوگیا۔
ہندوستان نے اس میچ میں ٹاس ہارنے کے بعد بلے بازی کرتے ہوئے سست آغاز کیا اور دونوں اوپنر چھوٹا اسکور بناکر جلد ہی پویلین لوٹ گئے۔ شبھمن گل نے 22 گیندوں میں دو چوکوں کی مدد سے 13 رن بنائے جبکہ شکھر دھون نے 45 گیندوں میں تین چوکوں اور ایک چھکے کی مدد سے 28 رن کی اننگز کھیلی ۔ رشبھ پنت نے 16 گیندوں پر 10 رن کا تعاون دیا اور دباؤ میں آکر ڈیپ اسکوئر لیگ پر کھڑے گلین فلپس کو کیچ دے بیٹھے۔
اچھی فارم میں نظرآئے ایر نے پنت کے ساتھ 30 رن جوڑے جبکہ سوریہ کمار یاد (6 رن) کے ساتھ 25 رن کی شراکت کی۔ حالانکہ وہ اپنی نصف سنچری سے ایک رن کم کی دوری پر لوکی فرگیوسن کا شکار ہوگئے۔