سرینگر//
جموںکشمیر سٹیٹ الیکشن کمیشن (ایس ای سی) نے درگمولہ (کپوارہ) اور حاجن اے (بانڈی پورہ) کے ڈی ڈی سی حلقوں کی دو بارہ پولنگ کیلئے پانچ دسمبر تک کسی بھی ایگزٹ پول پر پابندی عائد کر دی ہے ۔
ذرائع کے مطابق کمیشن کی طرف سے جاری ایک حکمنامے میں کہا گیا ہے کہ الیکشن اتھارٹی (سٹیٹ الیکشن کمیشن) جموںکشمیر پنچایتی راج ایکٹ۱۹۸۹کے دفعہ۳۶ کے تحت حاصل اختیارات کا استعمال کرتے ہوئے ڈی ڈی سی حلقہ درگمولہ (کپوارہ) اور حاجن (بانڈی پورہ) کے دو بارہانتخابات کے دوران کسی بھی ایگزٹ پول کے منعقد کرنے پر پابندی عائد کرتی ہے ۔
حکمنامے میں کہا گیا کہ ایگزٹ پول کے نتائج پرنٹ میڈیا، الیکٹرانک میڈیا یا کسی دوسرے طریقے سے پانچ دسمبر۲۰۲۲کے دو بجے تک (جب تک دوبارہ پولنگ کے مکمل ہونے کا وقت مقرر ہے ) شائع ہونے یا ظاہر ہونے پر پابندی عائد ہے ۔