پٹھان کوٹ شاہراہ پر حادثہ

جموں//
جموںکشمیر کے سرمائی دارلخلافہ جموں کے کٹھوعہ ضلع میں شاہراہ پر ایک تیز رفتار ٹرک کی ٹکر سے کمسن بچی ہلاک جبکہ اس کا نزدیکی رشتہ دار شدید طور پر زخمی ہوا۔
سرکاری ذرائع نے بتایا کہ جموں پٹھان کوٹ شاہراہ پر کالی باری کے نزدیک ایک تیز رفتار ٹرک نے ایک موٹر سائیکل کو زور دار ٹکر ماری جس کے نتیجے میں بائیک پر سوار کمسن بچی اور اُس کا نزدیکی رشتہ دار زخمی ہوا۔
ذرائع نے بتایا کہ آس پاس موجود لوگوں نے زخمیوں کو علاج ومعالجہ کی خاطر نزدیکی ہسپتال پہنچایا تاہم وہاں پر تعینات ڈاکٹروں نے کمسن بچی کو مردہ قرار دیا۔
متوفی بچی کی شناخت آٹھ سالہ غزل شرما ولد پنکج شرما ساکن ہمیر پور کھور جموں کے بطور ہوئی ہے ۔
معلوم ہوا ہے کہ ٹرک ڈرائیور جائے وقوع سے فرار ہوا جس کی بڑے پیمانے پر تلاش شروع کی گئی ہے ۔