راج ناتھ آسیان وزرائے دفاع کی کانفرنس میں شرکت کے لیے کمبوڈیا پہنچے

نئی دہلی// وزیر دفاع راج ناتھ سنگھ آسیان ممالک کے وزرائے دفاع کی دو روزہ کانفرنس میں شرکت کے لیے پیر کو کمبوڈیا پہنچ گئے ۔
وزیر دفاع کے دفتر نے ٹویٹ کیا کہ مسٹر سنگھ کانفرنس میں شرکت کے لیے کمبوڈیا پہنچ گئے ہیں۔
آسیان ڈیفنس منسٹرز پلس (اے ڈی ایم ایام پلس) کے سربراہ کے طور پر کمبوڈیا اس بار 9ویں سالانہ اجلاس کی میزبانی کر رہا ہے ۔ مسٹر سنگھ بدھ کو کانفرنس سے خطاب کریں گے ۔ وہ کمبوڈیا کے وزیر اعظم سے بھی ملاقات کریں گے ۔
ہندوستان اور کمبوڈیا ہندوستان-آسیان تعلقات کے 30 سال مکمل ہونے کے موقع پر چوٹی کانفرنس کے موقع پر ہندوستان-آسیان وزرائے دفاع کی میٹنگ کی مشترکہ طورپر صدارت کریں گے ۔ میٹنگ کے دوران ہندوستان-آسیان شراکت داری کو فروغ دینے کے لیے مختلف اقدامات کا اعلان کیے جانے کا امکان ہے ۔
کمبوڈیا میں اپنے قیام کے دوران وزیر دفاع دیگر شراکت دار ممالک کے وزرائے دفاع کے ساتھ دو طرفہ بات چیت بھی کریں گے ۔