بی جے پی نے شبیہ خراب کرنے کے لیے جعلی ویڈیو جاری کیا: عام آدمی پارٹی

نئی دہلی،//عام آدمی پارٹی نے کہا کہ میونسپل انتخابات میں دہلی کے وزیر اعلی اروند کیجریوال کی جیت کو محسوس کرتے ہوئے بھارتیہ جنتا پارٹی (بی جے پی) نے پارٹی کی شبیہ کو داغدار کرنے کے لئے ایک فرضی ویڈیو جاری کیا ہے ۔
پارٹی کے سینئر لیڈر مکیش گوئل نے جمعہ کو ایک پریس کانفرنس میں کہا کہ بی جے پی نے ایک آڈیو جاری کیا ہے جو فرضی ہے ۔ لی گئی ویڈیو بھی ڈاکٹرڈ ہے ۔ اسے ادھر ادھر سے اکٹھا کیا گیا ہے ۔ دہلی میونسپل کارپوریشن میں 15 سال سے بی جے پی کی حکومت ہے ۔ بی جے پی اپنی 15 سال کی بدعنوانی سے توجہ ہٹانے کے لیے ایسی کارروائی کر رہی ہے ۔ انہوں نے کہا کہ انہیں اپنے بارے میں کسی کو کچھ بتانے کی ضرورت نہیں ہے ۔ وہ تقریباً 30-40 سال سے دہلی کی سیاست میں ہیں اور 25 سال سے کارپوریشن میں ہیں۔ مختلف عہدوں پر کام کیا لیکن آج تک مجھ پر ایک انگلی بھی نہیں اٹھی۔
انہوں نے کہا کہ وہ بی جے پی کے ترجمان سمبت پاترا اور ان کے ساتھیوں کے خلاف جعلی آڈیو-ویڈیوز جاری کرنے پر ہتک عزت کا مقدمہ دائر کریں گے ۔ مسٹر پاترا نے جس فصیح زبان کے ساتھ ویڈیو دکھایا، ایسا لگا کہ وہ خود موقع پر موجود ہیں اور ان کے سامنے پوری اسکرپٹ لکھی گئی ہو۔ انہوں نے کہا کہ وہ تمام تحقیقاتی ایجنسیوں سے تحقیقات کرانے کے لئے تیار ہیں۔
مسٹر گوئل نے کہا کہ بی جے پی کے لوگ کارپوریشن انتخابات میں اپنی شکست اور مسٹر کیجریوال کی جیت دیکھ رہے ہیں۔ اسی وجہ سے بی جے پی ہماری شبیہ کو خراب کرنے کی کوشش میں طرح طرح کے الزامات لگاتی رہے گی۔ دہلی کے عوام بی جے پی کی 15 سال کی بدعنوانی سے تنگ آچکے ہیں۔
خیال ر ہے کہ بی جے پی نے عام آدمی پارٹی لیڈر مکیش گوئل کے مبینہ اسٹنگ آپریشن کا ویڈیو جاری کیا ہے ۔