دنیا کی آبادی آٹھ ارب ہوگئی‘۲۰۵۰ میںیہ ۷ء۹؍ارب تک ہو جائیگی :اقوام متحدہ

سرینگر//(ویب ڈیسک)
اقوام متحدہ کی رپورٹ کے مطابق منگل ۱۵نومبر کو دنیا کی آبادی آٹھ ارب ہوگئی۔
رپورٹ میں کہا گیا ہے کہ ۲۰۳۰ میں یہ بڑھ کر ساڑھے آٹھ ارب‘۲۰۵۰ میں۷ء۹؍ ارب اور سن۲۱۰۰ میں۴ء۱۰؍ ارب ہوجائے گی۔
اقوام متحدہ نے پیر کے روز عالمی یوم آبادی کی مناسبت سے سالانہ آبادی رپورٹ جاری کی ہے۔ رپورٹ میں دنیا کی آبادی۸؍ ارب پہنچ جانے کو انسانی ترقی کی راہ میں ایک اہم سنگ میل قرار دیا گیا ہے۔تاہم یہ بھی کہا گیا ہے کہ سن۱۹۵۰کے بعد سے عالمی آبادی اب تک کی اپنی سست ترین شرح سے آگے بڑھ رہی ہے، حتی کہ سن۲۰۲۰ میں آبادی کی رفتارمیں ایک فیصد کی گراوٹ آ گئی۔
رپورٹ میں کہا گیا ہے کہ عالمی آبادی کو سات ارب سے بڑھ کر آٹھ ارب ہونے میں ۱۲ برس لگے اور اس کے نو ارب پہنچنے میں تقریباً ۱۵برس لگیں گے۔ یعنی ۲۰۳۷تک دنیا کی آبادی نو ارب ہو گی، جو کہ عالمی آبادی میں سست رفتاری سے آگے بڑھنے کی علامت ہے۔
رپورٹ کے مطابق۲۰۲۲ میں دنیا کے دو سب سے گھنی آبادی والے علاقے ایشیا کے تھے۔ مشرقی اور جنوب مشرقی ایشیا کی آبادی۳ء۲؍ ارب تھی جب کہ وسطی اور جنوبی ایشیا کی آبادی۱ء۲؍ ارب تھی۔ چین اور بھارت، جن میں سے ہر ایک کی آبادی۴ء۱؍ ارب سے زیادہ ہے، ان دونوں ایشیائی خطے کے سب سے زیادہ آبادی والے ممالک ہیں۔
اقوام متحدہ نے پیشن گوئی کی ہے کہ سن ۲۰۵۰ تک عالمی آبادی میں ہونے والی مجموعی اضافے کا نصف سے زیادہ صرف آٹھ ملکوں تک مرکوز رہے گا۔ ان میں پاکستان، بھارت، کانگو، مصر، ایتھوپیا، نائجیریا، فلپائن اور تنزانیہ شامل ہیں۔
رپورٹ کے مطابق۲۰۲۲میں۱۴۲۶ملین آبادی کے ساتھ چین دنیا کی سب سے بڑی آبادی والا ملک ہے۔جب کہ بھارت کی آبادی اس سے صرف تھوڑی سے کم۱۴۱۲ ملین تھی۔
اقوام متحدہ کے اندازوں کے مطابق سب سے زیادہ کے لحاظ سے چین بھارت کو پیچھے چھوڑ دے گا۔ بھارت۲۰۲۳ میں دنیا کی سب سے زیادہ آبادی والا ملک بن جائے گا۔
۲۰۵۰تک بھارت کی آبادی بڑھ کر۱۶۶۸ ملین ہو جائے گی جب کہ چین کی آبادی میں گراوٹ کا سلسلہ شروع ہو چکا ہے اور یہ مذکورہ برس تک۱۳۱۷ ملین تک رہ جائے گی۔ سن۲۰۵۰ تک دنیا کی مجموعی آبادی۷ء۹؍ ارب ہو جائے گی۔
ماہرین سماجیات کا کہنا ہے کہ آبادی میں اضافہ جہاں ایک طرف سودمند ثابت ہوسکتا ہے وہیں اس کی وجہ سے کئی طرح کے چیلنجز بھی پیدا ہوں گے اور اگر ان کا مناسب طور پر مقابلہ نہیں کیا گیا تو آبادی میں اضافہ بھارت کیلئے پریشانی کا موجب ہوگا۔