سرینگر//
جموں کشمیر پولیس نے ہفتے کے روز کہا کہ اس نے کشمیر میں مقیم صحافیوں اور نامہ نگاروں کو دھمکیاں دینے پر لشکر طیبہ کے ہینڈلرز اور ٹی آر ایف کے خلاف مقدمہ درج کیا ہے۔
سری نگر پولیس نے ایک ٹویٹ میں بتایا کہ شیرگڑھی پولیس اسٹیشن میں یو اے پی اے اور آئی پی سی کے تحت مقدمہ درج کیا گیا ہے۔
پولیس کی ایک ٹویٹ میں کہا گیا ہے’’کشمیر میں مقیم صحافیوں اور نامہ نگاروں کو براہ راست دھمکی آمیز خط کی آن لائن اشاعت اور پھیلانے کے لئے دہشت گرد تنظیم ایل ای ٹی اور اس کی ذیلی تنظیم ٹی آر ایف کے ہینڈلرز، فعال دہشت گردوں اور بالائی زمین ورکروں کے خلاف مقدمہ درج کیا گیا ہے۔ ایف آئی آر نمبر۸۲/۲۰۲۲ زیر دفعہ یو اے پی اے ۵۰۵‘۱۵۳ بی‘۱۲۴؍ اے اور ۵۰۶؍آئی پی سی پولیس تھانہ شیر گڑھی میں درج کیا گیا ہے۔‘‘