نئی دہلی//ملک میں رواں مالی سال میں 10 نومبر تک خالص براہ راست ٹیکس کی وصولی 8.71 لاکھ کروڑ روپے رہی، جو گزشتہ مالی سال کی اسی مدت میں جمع کیے گئے ٹیکس سے 25.71 فیصد زیادہ ہے ۔ .
آج یہاں جاری ایک بیان میں یہ جانکاری دیتے ہوئے سینٹرل بورڈ آف ڈائریکٹ ٹیکس (سی بی ڈی ٹی) نے کہا کہ 10 نومبر 2022 تک مجموعی براہ راست ٹیکس کی وصولی 30.69 فیصد بڑھ کر 10.54 لاکھ کروڑ روپے ہوگئی ہے لیکن رقم کے ریفنڈ کے بعد 8.71 لاکھ کروڑ روپے ہے ۔ رواں مالی سال کے لیے براہ راست ٹیکس وصولی کی یہ رقم رواں مالی سال کے بجٹ تخمینہ کا 61.31 فیصد ہے ۔ یکم اپریل سے 10 نومبر 2022 تک کل 1.83 لاکھ کروڑ روپے ریفنڈ کی گئی ہے ، جو پچھلے مالی سال کی اسی مدت میں ریفنڈ کے مقابلے میں 61.07 فیصد زیادہ ہے ۔