کشمیر میں شبانہ درجہ حرارت میں کمی درج

سرینگر//
وادی کشمیر میں برفباری اور بارشوں کے بیچ شبانہ درجہ حرارت میں قدرے کمی واقع ہوئی ہے اور سیاحتی مقام گلمرگ میں شبانہ درجہ حرارت نقطہ انجماد سے نیچے درج ہوا ہے ۔
محکمہ موسمیات کے ایک ترجمان کے مطابق گلمرگ میں گذشتہ چوبیس گھنٹوں کے دوران۲۰؍انچ تازہ برف جمع ہوئی ہے جبکہ اس مدت کے دوران سرینگر میں۹ء۱ملی میٹر بارش ریکارڈ ہوئی۔
سیاحتی مقام پہلگام میں گذشتہ چوبیس گھنٹوں کے دوران۶ء۴ملی میٹر بارش ریکارڈ ہوئی ہے جبکہ سرحدی ضلع کپوارہ میں ۱۰ملی میٹر اور قصبہ قاضی گنڈ میں۲ء۲ملی میٹر بارش ریکارڈ ہوئی ہے ۔
متعلقہ محکمے کے مطابق وادی میں۱۱نومبر کی دوپہر تک بالائی علاقوں میں کہیں کہیں ہلکی سے درمیانی درجے کی برف باری جبکہ میدانی علاقوں میں ہلکی سے درمیانی درجے کی بارشوں کا امکان ہے ۔انہوں نے کہا کہ بعد میں موسم میں بہتری متوقع ہے اور۱۲سے۱۶نومبر تک موسم مجموعی طور پر خشک رہنے کا امکان ہے ۔
دریں اثنا وادی میں برفباری اور بارشوںکے باعث شبانہ درجہ حرارت میں قدرے کمی واقع ہوئی ہے ۔
سرینگر میں کم سے کم درجہ حرارت۷ء۴ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۷ء۰ڈگری سینٹی گریڈ کم ریکارڈ ہوا تھا۔
گلمرگ میں کم سے کم درجہ حرارت منفی۰ء۲ڈگری سینٹی گریڈ ریکارڈ کیا گیا جو معمول سے۲ء۲ڈگری سینٹی گریڈ کم ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت۸ء۲ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۱ء۰ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں کم سے کم درجہ حرارت۰ء۳ ڈگری سینٹی گریڈ ریکارڈ بکیا گیا جو گذشتہ شب کے درجہ حرارت سے۷ء۱ڈگری سینٹی گریڈ کم ریکارڈ ہوا تھا۔
قاضی گنڈ میں کم سے کم درجہ حرارت۰ء۵ڈگری سینٹی گریڈ ریکارڈ کیا گیا جہاں گذشتہ شب بھی یہی درجہ حرارت ریکارڈ ہوا تھا۔
لداخ یونین ٹریٹری کے ضلع کرگل میں کم سے کم درجہ حرارت منفی۸ء۳ڈگری سینٹی گریڈ ریکارد کیا گیا جبکہ قصبہ دارس جو سائبیریا کے بعد دنیا کا دوسرا سرد ترین علاقہ ہے ، میں کم سے کم درجہ حرارت منفی۴ء۳ڈگری سینٹی گریڈ ریکارڈ ہوا ہے ۔ اور ضلع لیہہ میں منفی۱ء۱ڈگری سینٹی گریڈ ریکارڈ ہوا ہے ۔