سرینگر//
سی بی آئی نے جموں و کشمیر پولیس سب انسپکٹر بھرتی گھوٹالے کے سلسلے میں جموں اور پنجاب سے مزید چار افراد کو گرفتار کیا ہے۔
ایس آئی امتحانات کے پیپر قبل از وقت افشاں ہونے کا معاملہ سامنے آنے کے بعد جموں وکشمیر انتظامیہ نے فائنانشل کمشنر کی سربراہی میں تین نفری کمیٹی تشکیل دی تھی۔
کمیٹی نے اس بات کی تصدیق کی کہ امتحانات کے دوران دھاندلیاں ہوئیں جس کے بعد ایل جی منوج سنہا نے سی بی آئی کے ذریعے تحقیقات کرنے کے احکامات صادر کئے تھے۔ جسکے بعد سی بی آئی نے اب تک کئی فوجی آ فیسروں سمیت ۱۷؍افراد کو گرفتارکرلیا گیا۔
گرفتار شدگان میں آئی آر پی کانسٹیبل وکاس شرما، سی آر پی ایف کانسٹیبل، اتل کمار اور ترسیم لال شامل ہیں۔
کل، سی بی آئی نے بڑے بھرتی گھوٹالے میں جموں، ہریانہ اور پنجاب میں سات مقامات کی تلاشی لی تھی۔اسی دوران سی بی آئی نے چار گاڑیاں بھی ضبط کی ہیں۔
معلوم ہو اہے کہ گرفتار شدگان سے بڑ ے پیمانے پر پوچھ تاچھ کا عمل جاری کیا گیا اور اس ضمن میں مزید انکشافات متوقع ہیں۔ آج سے دو روز قبل بھی سی بی آ ئی نے کئی فوجی آ فیسروں سمیت چار افراد کو گرفتار کر لیا ہے۔