سرینگر///
کولگام سے تعلق رکھنے والے ایک ٹرک ڈرائیور کو پنجاب کے مکیران علاقے میں ٹول پلازہ کے ملازمین نے مبینہ طور پر شدید زد کوب کیا جس کے بعد پولیس نے کیس درج کر لیا ۔ ابھی تک دو ملوثین کو حراست میں لیا گیا ہے ۔
تفصیلات کے مطابق پنجاب کے مکیرن علاقے میں ٹول پوسٹ ملازمین نے ایک کشمیری ٹرک ڈرائیور کی مار پیٹ کی ہے ۔
جموں و کشمیر ٹرک آپریٹرز ویلفیئر یونین کے صدر ہلال ملک نے ایک مقامی خبر رساں ایجنسی کو بتایا کہ ٹرک ڈرائیور کی شناخت ساحل اقبال ساکن یاری پورہ کے طور پر ہوئی ہے ۔ انہوں نے بتایا کہ ٹرک ڈرائیور کو ٹول پلازہ کے ملازمین کی جانب سے مکیران پنجاب میں زد کوب کیا گیا ۔ انہوں نے بتایا کہ واقعے کے بعد انہیں مکیران کے سول اسپتال میں داخل کرایا گیا۔
ملک نے کہا کہ ہمیں امید ہے کہ پنجاب پولیس ملوثٰین کے خلاف سخت کارروائی کرے گی۔
دریں اثنا پنجاب کے مکیران کے ایک پولیس اہلکار نے بتایا کہ متعلقہ دفعات کے تحت ایف آئی آر درج کر لی گئی ہے اور مزید تفتیش جاری ہے۔
ادھر پولیس کا کہنا ہے کہ کشمیری ٹرک ڈرائیور کی مارپیٹ میںملوث دو افراد کی گرفتار ی عمل میںلائی گئی ہے ۔