گاندربل حادثے میں کنڈیکٹر ہلاک‘ ڈرائیور سمیت مزید دو زخمی

سرینگر//
جموںکشمیر کے وسطی ضلع گاندربل کے کوکرن پل پر ایک جے سی بی کو حادثہ پیش آیا جس کے نتیجے میں کنڈیکٹر کی برسر موقع ہی موت واقع ہوئی جبکہ ڈرائیور سمیت مزید دو کو نازک حالت میں ہسپتال منتقل کیا گیا۔
سرکاری ذرائع نے بتایا کہ بدھ کے روز گاندربل کے کوکرن پل پر ایک جے سی بی الٹ جانے کے نتیجے میں تین افراد زخمی ہوئے ۔
زخمیوں کو علاج ومعالجہ کی خاطر نزدیکی ہسپتال منتقل کیا گیا تاہم ڈاکٹروں نے کنڈیکٹر کو مردہ قرار دیا۔
متوفی کی شناخت منیر احمد ساکن بارہمولہ کے بطور ہوئی جبکہ زخمیوں کی پہچان ارون سنگھ ساکن پنجاب اور سجاد احمد ساکن بارہ مولہ کے بطور کی گئی۔
پولیس نے معاملے کی نسبت کیس درج کرکے مزید تحقیقات شروع کی ۔