سرینگر/31 اکتوبر
لیفٹیننٹ گورنر منوج سنہا نے پیر کو کہا کہ یہ حکومت کا عزم ہے کہ وہ بدعنوانی سے پاک جموں کشمیر کی تعمیر کرے اور مزید کہا کہ بدعنوانی میں ملوث کسی کو بھی بخشا نہیں جائے گا۔
ایل جی سنہا نے ویجیلنس بیداری ہفتہ کی افتتاحی تقریب میں شرکت کرتے ہوئے یہ باتیں کہیں۔
سنہا نے کہا”بدعنوانی سے پاک جموں و کشمیر کی تعمیر کا ہمارا عزم ہے اور بدعنوانی میں ملوث کسی کو بھی نہیں بخشا جائے گا“۔
ایل جی کا مزید کہنا تھا”بدعنوانی کے خلاف سب سے طاقتور ہتھیار فعال شہری ہے۔ ہم سب کو مل کر اسے نظام سے جڑ سے اکھاڑ پھینکنے کا عہد کرنا چاہیے“۔
سنہا نے کہا کہ نظام کو جدید ٹیکنالوجی کے استعمال اور انتظامی اصلاحات کے ذریعے مضبوط کیا جا رہا ہے جس میں بے ترتیب پن اور صوابدید کی کوئی گنجائش نہیں ہے۔ ہم خدمات کی ہموار فراہمی کے لیے ہر سطح پر موثر، شفاف اور جوابدہ نظام کی تعمیر جاری رکھے ہوئے ہیں۔