جموں ریلوے اس ٹیشن کے ٹیکسیاسٹینڈ کے قریب ۱۸ ڈیٹونیٹر بر آمد

جموں//
ریلوے پولیس جموں نے جمعرات کو جموں ریلوے سٹیشن کے ٹیکسی سٹینڈ کے قریب سے۱۸ ڈیٹونیٹر، مشتبہ مومی قسم کا دھماکہ خیز مواد اور تاریں برآمد کرنے کا دعویٰ کیا ہے۔
ذرائع نے بتایا کہ ریلوے سویپر ٹیکسی اسٹینڈ کے قریب معمول کے کام کے طور پر ایک گھٹی ہوئی نالی کی صفائی کر رہے تھے اور انہیں دوپہر ڈیڑھ بجے کے قریب نالے میں دودھ کے دو ٹن ڈبے ملے۔ انہوں نے قریبی ریلوے پولیس ٹیم کو اطلاع دی جو موقع پر پہنچ گئی۔
مزید تفصیلات بتاتے ہوئے، ایس ایس پی جی آر پی جموں عارف ریشو نے میڈیا کے نمائندوں کو بتایا کہ انہیں دودھ کے ایک ڈبے میں چھپائے گئے۱۸ ڈیٹونیٹرز اور دوسرے میں ایک مشتبہ موم قسم کا دھماکہ خیز مواد ملا ہے۔
ریشو نے کہا کہ اس سلسلے میں ایف آئی آر درج کرائی گئی ہے لیکن ابھی تک کوئی گرفتاری نہیں ہوئی ہے۔
قبل ازیں پولیس نے سانبہ ضلع کے باری برہمنہ میں دہشت گرد تنظیم کے اشتعال انگیز پوسٹر برآمد کرنے کا دعویٰ کیا تھا۔